2008/11/26

بركان خامد .. !!


بركان ... ؟؟!!

أنظروا روعة مشهده ... !!
كم هو جميل بصدق .. رغم إحتواءه الكثير ... !!
لكن للأسف عندما يـثور ...
يكرهه الجميع .. يترك دمار هائل حوله ... !!

أتدرون ... ؟؟!!

لم يعُد يهمني الدمار الناتج ... !!
لم يعُد يهمني ما سينتج عن ثوران ذلك البركان ... !!
لأنه في النهاية ...
سيهدأ .. سيخمد .. إلى إشعار آخر ... !!
من وجهة نظري .. إنه سبب كافي لـيثور ...
بغض النظر عن أي شئ آخر مهما كان ... !!
لـــذا ...
إحترسوا ... فقد إقترب موعد الثوران ... !!

أنانية تلك البراكين ... ؟؟!!

و رُبما سأكون كذلك ... !!
أنا و براكيني .. أقصد مشاعري ... ؟؟!!

2008/11/20

المفروض .. لأ .. مش المفروض .. !!


المفروض إني خلصت إمتاحانات الميد بتاع النهارده ... !!
و المفروض
عشان خلصت مـ الميد بتاع أبقى مبسوطه ... !!
و المفروض كمان النهارده الخميس .. يعني آخر الإسبوع ... !!
و المفروض إن آخر الإسبوع الواحد بـ يبقى فرحان ... !!
و المفروض لما الواحد يكون فرحان يخرج أو يعمل أي حاجه عايزها ... !!
و المفروض إني أكون نمت من أول مـ جيت عشان أفوق و أصحصح ... !!
لكن مش المفروض إني أكون كده ... !!
و مش المفروض أفضل صاحيه كده ... !!
و مش المفروض إني أكتب كده ... !!
عشان كده ...
المفروض
إني أروح أنام ... !!
و المفروض يعني .. إني هـ أنام ... !!
تصبحوا على خير .. لو نمت يعني ... !!

آآآآآآآآآآآآآه صحيح ...

المفروض يعني .. إنكوا تدعولي ...
و مش المفروض .. إنكوا تدعوا عليّا ... !!
... دعواتكم بقى ...


2008/11/16

ليه .. ؟؟!! إزاي .. ؟؟!! و فين .. ؟؟!!


مش عارفه ...
يمكن سمعتوا عن حكاية الدكاترة المصريين ...
اللي محبوسين فـ السعودية و محكوم عليهم بالحبس و الجلد ...
المشكله ايه ؟؟؟!! و ايه السبب فـ الحكم ده ؟؟؟!! و هما عملوا ايه أصلاً ؟؟؟!!
ربنا يبارك طبعاً فـ الإشاعات و الكلام الكتير اللي بيطلع ... !!
بس الظاهر و التهمه الأساسية ...
إنهم ساعدوا مرات أمير سعودي
ع الإدمان ... !!
ده الظاهر .. طب فين الدليل بقى ... ؟؟!!
مفيـــش ... !!
كله كلام رغي و غريب ... !!
و الحقيقة فين .. مـ تفهموش ... !!
برنامج الحقيقة لـ وائل الإبراشي ...
كان مستضيف مرات و ابن واحد مـ الدكاترة اللي محكوم عليهم ...
- شكلهم ناس محترمين و كويسين -
الحكاية مـ الأول .. للآخر ... مفيش أي حاجه غلط حصلت ... !!
جوزها سافر و اشتغل فـ مستشفى سعودي .. عادي كـ أي حد ...
و بعدين استدعوه إنه يعالج مرات الأمير لإن عندها كسر فـ الضهر باين ...
ده بالإضافه لـ سفرها لدول غربيه .. و علاجها فـ مستشفيات مختلفه ...
الدكتور كان بيعالجها .. و طبيعي كان بيديها جرعات محدده مخدره ...
الأمير طلب منه نقل كفالته معاه .. عشان يبقى موضوع العلاج سهل ...
و طلب الأمير مـ الكفيل انه ينقل كفالة الدكتور فلان عليه ...
و تم نقل الكفاله .. و تخصيص مكان للدكتور فـ القصر .. لعلاجها ...
الست خفت خلاص و الحمد لله ...
الدكتور طلب يلغي كفالة الأمير من عليه و يكمل شغله عادي .. و حصل ...
أبوه تعب .. راح عشان يسافرله .. ممنوع مـ السفر .. و تم القبض عليه ... !!
هو ده كل الموضوع ... ليه ؟؟ و إزاي ؟؟ و فين ؟؟
الله أعلم ... !!
اتحكم عليه بـ 15 سنة سجن و 1500 جلده ... !!
و الدكتور التاني .. اللي مش عارفه حكايته بالظبط ايه ...
إتحكم عليه بـ 20 سنة سجن و برضو 1500 جلده ... !!
1500 جلده ... ؟؟!!
بيطبقوا الحدود قوي يعني ... ؟؟!!
طب ماشي .. بغض النظر ع اللي بيحصل عندهم ... !!
1500 جلده .. دي تبع ايه بالظبط يعني ... ؟؟!!
ده إذا كان الزنا اللي من ضمن الكبائر ..
حده 100 جلدة ...
﴿الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ
[سورة النور: 2]

ده غير شروط إقامة الـ حد .. وجود الـ 4 شهود ...
(وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً)
[سورة النور: 4]

بعض السعوديين يقولوا ...
إن الحكم ده متوسط و لازم يبقى أقوى من كده ... !!
و تانيين يقولوا ...
إن الخطأ الطبي البحت لا يستوجب الجلد ...
إلا إذا كان هناك تعمد أو إستهتار أو إهمال ... !!

مش عارفه .. أنا مش هـ افتي طبعاً ...
بس معترضه ع اللي بيحصل .. و بجد مش عارفه ايه اللي بيجرالنا ... !!
طب مين اللي اشتكى ... قالوا مرات الأمير ... !!
فين أقوالها ... ؟؟!! مـ اخدوش أقوال أصلاً ... !!
طب اللي بيحصل ده .. على أي أساس ... ؟؟!!
كوسه مثلاً ... ؟؟!! إنتقام جايز ... ؟؟!! كل شئ بقى ممكن خلاص ... ؟؟!!
آآآآه ... ده غير الدكتور التالت اللي مش راضيين يرجّعوه مـصر ... !!

فيــنك يــا مـــصــــر ... ؟؟!!
فــــيـــن السفــارة المـــصـــريـــّـة ... ؟؟!!
فـــيـــن بـــابـــا حســــنـــي ... ؟؟!!
و فــــيـــن الشـــــعـــب ... ؟؟!!
و فــــيــــن إحــــــنـــــا ... ؟؟!!

معلش بس دمي محروق .. و مدايقه جامد ...
لو شوفتوا البرنامج فعلاً .. هـ تعذروني ... !!
سيبوني أشيل فـ نفسي .. مش عايزه أخنقكم أكتر من كده ... !!

أما نشوف أخرتها ... !!
و حسبنا الله و نعم الوكيل فـ كل ظالم ...

جروب ع الفيس بوك .. معارض لـ الحكم

2008/11/14

كانت من زمان - بعد إذن نعنع - .. !!

بما إني زهقانه .. و عايزه أنزل حاجه فـ البلوج ...
و عندي إمتحان بعد بكره .. و لسه مـ بدأتش مذاكره .. و عايزه أذاكر ... :(
و .................... مش عارفه ايه كمان ... !!
المهم ... هـ انزل دي .. ممكن ... ؟؟!!
بعد إذن نعنع هانم ...
قصدي .. طنط ناعومى ...
قصدي يعني .. دكتورة نعمة ....
يييييييييييه بقى ... نعنع .. نوعناعه .. نعنوعتي ... !! D:
- هي كده .. حد معترض ... ؟؟!! -
- معترضه يا نعنع ... ؟؟!! :$ -
فاكره الرد ده ... ؟؟!!
- اللي هـ انزله يعني ... ؟؟!! -
كان من زمان .. بس أنا فاكراه طبعاً .. و عمري مـ هنساه أكيد ...
بحبه قوي .. و تقريباً حافظاه برضو ...
و بحسّه كتير و كبير عليّا قوي ...
يارب دايماً بس يفضل كده .. و مـ يتغيرش فـ يوم ...
خصوصاً بعد مـ عرفتي إني من برج الجوزاء ... D:
بس أنا قلتلك اللي فيها بقى .. أنا المفروض سرطان .. مش ذنبي بقى ... D:
و بعدين أبراج مين دي اللي تعمل كده .. عيب عليكي يعني ... D:
هــــه بقى ... نقول إيـــــه ... دوووونياااااااااا ... !! D:

يلا أسيبكم مع الروعه اللي بحبها قوي دي ...
بعد إذن نعنع نوعناعه نعنوعتي باشا ... :$

[Fasla.gif]
زى براءة قلبك الاخضر
لون اشواقى
زيك واكتر
شايله ف قلبى
مكانك دافى
حلوه يا فدوى
يا قمره وطفله
واحلى مافيكى
شقاوة لعبك
واما بتقلب جد معاكى
الله اكبر
بحبك جد
ومش برسم ف الحرف
و افنن
بس نداوة قلبك الابيض
خطفت قلبى
بدعيلك بجمالك تبقى
مهما الخلق بزيفها تحير
يفضل قلبك هو الاجمل
[Fasla.gif]
اييييييييييييه .. مخدوعه فيّا يا نعنع ... !! D:
مين تاني مخدوووع ... ؟؟!! D:

2008/11/08

باركولي .. باركولي , أنا فوقت .. و فوّقوني ... !!

مش تباركوووووووووولي ... ؟؟!!
قررت قرار أخير .. بعد تفكير طويل إن ...
حـــــجـــــابــــي لا يـــــصـلـــــح ...
- باركووووووووووووولي بقى
الأول -
لذا قررت .....
- إسمعوا كويس الكلام اللي جاي ده ... !! -
قررت أنا المدعوه مسلمة هانم .. خلع حجابي ... !!
أصل مـ ينفعش ألبس لبس محزق و ملزق و ضيّق بكل المقاييس ...
و عليه طرحه - أو في قول آخر حجاب - ... !!
و الحجاب طبعاً مش تغطيه للشعر و بس ...
عشان كده .. أنا مش مقتنعه بـ حجابي ... !!
وأنا بـ أقر و أعترف إني فوقت .. و فوّقت نفسي معايا ...
لازم أكون واخده حريتي .. و براحتي ... !!
و لازم كمان أتماشى مع العصر التكنولوبي ده ... !!
و لازم أكون إنسانة تكنولوبيه .. متقدمه .. مستقدمه ... !!
و كمان غير كده .. الحجاب فضل مش فرض ... !!
- فضل مش فرض .. و اخدينلي بالكم معايا ... ؟؟!! -
فـ عادي يعني ... مش مشكله ... !!
المهم إن لبسي يكون متناسق مع بعضه ... !!
و إني أكون مبسوطه و مرتاحه ... !!
و ايـــــــــــــــــــــــه بقى ...
راضيه عن نفسي ... و ده أهم ما في الموضوع ... !!
مبروووك عليكم أنا .. و مبروك عليكم و عليّا نفسي ... !!

و عشان المناسبة السعيدة دي ...
فـ عليّا كل المشاريب بأنواعها و الجاتوهات و الرقصات كمان لو تحبوا ... !!

[Fasla.gif]
ملاحظة هامة جداً : إوعى حد يسمع كلامي و يقول فسدقه اللي قالت ... !!
الكلام ده - على حد علمي و الله أعلم برضو - انه حصل فعلاً ... !!
و للأسف حصل مع واحده مش صغيرة نهائي ... !!
و عندها عقل كافي جداً إنها تفرق بين الصح و الغلط ... !!
و كمان بين الفضل و الفرض ... !!
معلش سامحوني الموضوع مهييس للمره التانيه ع التوالي ... !!
بس معلش مرراتي مفقوعه و هـ اتشل قريب باين كده ... !!
مش متوقعه ولا متخيله إن فيه ناس بتفكر بالإسلوب ده ... !!
طب مش تظبط حجابها .. عشان تبقى راضيه ... ؟؟!!
ولا تقوم تقلع الحجاب .. و تبقى راضيه ... ؟؟!!
بجد ...
نفسي أتخيل إزاي حد ياخد قرار بالشكل ده و يكون راضي عن نفسه ... ؟؟!!
و قال ايه .. كنا معارضين عمو اللي قال إن الحجاب مش فرض ... !!
مش نشوف إحنا بنعمل ايه أصلاً قبل مـ نتكلم ... ؟؟!!
و بناتنا الكبيره العاقله بـ تعمل ايه قبل مـ نتكلم ... ؟؟!!
ربنا يهدي بجد .. و يرشدنا للطريق السليم ...
و ربنا يهدي اللي عملت كده .. و يرشدها للصح و ينور طريقها ...
ملاحظة تانيه : الصورة الأولانيه متعدل فيها طبعاً ...
( قبل , بعد , كانت )
ملاحظة تالته : مـ حبيتش أجيب آيات و أحاديث بـ تدل على وجوب الحجاب ...
لإني شايفاها حاجه مش عايزه نقاش ...
و غير كده أنا مش بالعلم الكافي إني أقدر أجيب أدلة كافيه ...
بس بـ بحث بسيط ع النت ... متهيألي هـ يكون فيه معلومات كافيه قوي ... !!
و لا سؤال حتى لـ حد ذي علم ... كافي جداً و أضمن كمان ...
و آخر كلام .. مش سلام زي مـ بيقولوا ... !!

آخر كلام ...
ربنا يستر مـ اللي جاي .. و يرفع شأن المسلمين و يهديهم ...
مين عارف بكره مخبّي ايه ... ؟؟!!
ربنا يستر ... !!!!!!!
و على رأي المثل - لو كان مثل يعني - عشنا و شوفنا ... !!

2008/11/05

عباره عن ايه ده بالظبط ... ؟؟!!


حاسه إن بقالي كتير مـ كتبتش حاجه ... !!
و حاسه إني محتاجه أكتب أي حاجه ... !!
و كمان أكتب حاجه علني كل الناس تشوفها ... !!
هـ أكتب ايه ... ؟؟!!
مش عارفه ... !!
طب .. بكتب ليه ... ؟؟!!
مش عارفه ... !!
إلا هو فيه ايه ... ؟؟!!
برضو مش عارفه ... !!
يظهر إن دي حالة من حالات التهييس الحاده اللي بـ أمر بيها ... !!
آآآآآآآآه صحيح بالموناسبه ....
هو التهييس ده تفتكروا يعني مفيد للصحة ... ؟؟!!
و لا ساعات بـ يكون مدمر للصحة ... ؟؟!!
كنت زومان ... زومان من قريب يعني ...
( زو مان مش زا ومن )
مقتنعه إقتناع تام جداً انه مفيد للصحة ....
بالذات لو كان تهييس مصحوب بحالة هيستيريه مـ الضحك ... !!
شوفتوا إزاي ... ؟؟!!
وجهات نظر بقى نعلموا ايه ... !!

حالياً بقى ... خاصة دلوقتي يعني ...
( حالياً مش دلوقتي يعني )
إقتنعت إقتناع يكاد يكون تام إنه مضر جداً بالصحة ... !!
حيثو أنهو اوثبتا ... ( مين ده اللي كاتباه ؟؟!! ) .....
نقولوا مـ الأول تاني ... !!
إكتشفت إنه مضر بالصحة لأنه بيخليك فـ منطقة الـ لا وعي ... !!
و كمان بيخليك فـ منطقة الـ شيزوفرينيا ... !!
ممكن كمان بيخليك فـ مناطق كوتير .. ربنا مـ يوريكم يعني ... !!
أهو الواحد من برّاه ... عمّال يضحك .. يضحك .. يضحك ... !!
و هو من جوّاه ... .............................................. !!
مش لازم أقولكوا بقى ... !!
انتوا و شطارتكم ... !!
عـــــــــلـــــــى فــــــــــــكـــــــــــــره ...
السؤال ده عليه 20 درجه من 25 سنة .. قصدي درجه ... !!
ايييييييييييييييييييه ...
أنا بقول أمشي أحسن ... كفايه عليكم كده النهارده ... !!
و دمتم سالكين .. أقصد يعني .. سالمين ... !! D: