إحساس أحمق .. !!

إحساس أحمق ...

عندما تشعر بأن الدنيا قطار يسير مهرولاً ... !!

و انت .. على متن ذلك القطار ... !!

كما أنت ... جالساً بمكانك .. بدون تغيير ... !!

العالم يتغير من حولك ...

و انت .. كما انت ... !!

مشاعرك .. ألمك .. يأسك - رُبما - ... !!

صبرك .. تحمُلَك .. صدماتك .. طيبتك ... !!

- سبب ألمك الأساسي -

مَن حولك .. يتغيرون .. يسيرون مع القطار ...

يعيشون لحظاتهم بكل أوقاتها ... !!

- حلوها و مرها -

يتغلبون على ماضيهم .. يعيشون حاضرهم ...

و انت .. كما انت ... !!

إحساس أحمق ...

عندما تعيش بين الكثيرين .. و تحب الجميع ...

- رُبما تكره شخص .. إثنان .. لظلمهم المؤلم لك -

و تكتشف في النهاية انك وحدك ... !!

انت .. و فقط ... !!

إحساس أحمق ...

عندما تختنق دموعك .. و تأبى الإنهيار ...

تبخل عليك ببعض الراحه التى تفتقدها ... !!

إحساس أحمق ...

عندما تتراكم المهام حولك ...

و يتطاير وقتك ...

و انت .. واقفاً بلا أدنى إستجابه ... !!

تشاهد .. و فقط ... !!

رغم علمك التام بالألم الذي سيصيبك إذا إستمريّت ... !!

إحساس أحمق ...

عندما تشعر بأنك .. لست أنت ...

تريد أن تتعرف على نفسك .. مره أخرى ... !!

رُبما هذا هو شعور الفقد ... ؟؟!!

إحساس أحمق ...

أن تتداخل مشاعرك كثيراً ...

لدرجة عدم مقدرتك على تحديدها و حصرها ...!!

***

أشتاق نفسي كثيراً ...

أشتاق معاتبتها .. التي أفتقدها منذ زمن طويل ... !!

ببساطه .. أشتاقني - أنا - كما كُنت .. و أفضل ... !!

لكني - للأسف - أخاف محاسبتي ... !!

و أخاف نفسي ... !!

***

هل من الممكن أن تدخل تلك الفضفضات ...

في إطاراً واقعياً ... ؟؟!!

رغم تلك الفضفضات .. الغير مفهومه ... !!

أفتقد للكثير من التركيز ...

مازال بداخلي الكثير .. و لم تسعفني الكلمات ... !!

- إدعولي بالهداية و التوفيق و راحة البال -

بالشووووووز يا فندم .. !!

بما إن المدونين اللي أعرفهم تقريباً مـ كتبوش حاجه ...

و أنا كان نفسي أكتب حاجات ... !!

بس الوقت و الجو و المود و كل حاجه مش سامحه ...

فـ جيبتلكم الخبر منقول .. مع فيديو للحدث العالمي ده ... !!

************

قذف صحفي عراقي الرئيس جورج بوش بفردتي حذائه

أثناء المؤتمر الصحفي الذي عقده بوش مع المالكي في بغداد

علي خلفية توقيع الإتفاقيه الأمنيه بين البلدين

ولم يصب بوش ولكن تم القبض علي الصحفي.

وذكرت مصادر متطابقة أن الحذاء أخطأ رأس بوش بنحو 4.5 أمتار

وأصاب جدارا خلفه.
وأضافت المصادر أن بوش ابتسم بامتعاض

فيما بدا رئيس الوزراء العراقي نوري الماكي

الذي كان يشاركه مؤتمرا صحفيا بجانبه متوترا

بعد أن حاول صد الحذاء عن بوش.
وسيطر مسؤولون أمنيون عراقيون وضباط أميركيون بزي مدني

-حسب المصادر-

على الصحفي واقتادوه خارج الغرفة وهو يقاوم ويصرخ.
وقلل بوش في مؤتمره الصحفي المشترك مع المالكي من شأن الحادث قائلا

“ لم أشعر بأدنى تهديد” ممازحا “كل ما ذكره أنه (الحذاء) يحمل قياس 10″.
وأشارت أسوشيتد برس أن الصحفي يدعى المنتظر الزيدي

ويشتغل مراسلا لقناة البغدادية العراقية.

وذكرت رويترز أن صحفيين عراقيين آخرين اعتذرا نيابة عن زميلهما.
وكان بوش الذي وصل الأحد إلى بغداد

قد أجرى محادثات مع الرئيس العراقي جلال الطالباني تناولت العلاقات الثنائية

وآخر تطورات الوضع في العراق

ووقع مع المالكي الاتفاقية الأمنية التي تنظم بقاء القوات الأميركية في العراق

حتى العام 2001.
وتعد هذه الزيارة الرابعة لبوش إلى العراق

منذ إطاحة القوات الأميركية بنظام الرئيس السابق صدام حسين

في أبريل 2003.

مـــنــــقــــــــــول

************

و يبقى السؤال قائماً ...

هل كان الشوز نيو ام أولد ... ؟؟!! D:

يوم من العيد .. فـ البيت السعيد .. !! (3)

كنا وصلنا إن محمد و رنا بيدوروا على بسمله و مش لاقينها ...

و فجـــــــــــــــــــــــأه ........

يسمعو صوت جاي م الحمام !!
بسمله : حاروفي حاروفي .. لابس بدله توفي .. ليه قنرين و ابرع لجلين ..

ياكل الهاشيش .. و نتبحه بالثكين .. و نبوسه هاام هاام هاااااام .. !!رنا : !!!!!!!!!!!!!!!!!!!!!!!!!!!!!!!!!!!!!!!محمد : !!!!!!!!!!!!!!!!!!!!!!!!!!!!!!!!!!!!!

طبعاً لكم أن تتخيلوا شكل محمد و رنا .. و رد فعلهم ... !!

طلعوا بسمله مـ الحمام .. و طبعاً بهدلوها و عاقبوها ...

بعدها بـ شوّيه ...

محمد : أنا رايح أصلي ...

رنا : ثواني نازلين معاك ...

محمد مستني ... و هـ يفرقع خلاص الصلاة قرّبت ...

و رنا عماله تلبّس فـ بسمله .. و البنت راسها و ألف سيف عايزه تعد مع الخروف !!

و فجـــــــــــــــــــــــأه ........

بدأوا الصلاة ... !!

محمد نزل جري و هو متعصب .. و سابهم مع نفسهم ... !!

رنا طبعاً و بسمله مـ نزلوش .. عشان بسمله هانم ... !!

*****************

محمد جه مـ الصلاة أخيراً ...

هيبدأوا عشان يدبحوا الخروف ...

بسمله : لااااااااااااااااااااااااااااااااااااااااااااااااااااااااا

طبعاً الدنيا اتقلبت رأساً على عقب ...

و بسمله ماسكه فـ الخروف مش راضيه تسيبه ... !!

قرروا انهم يبعدوا بسمله عن الخروف بأي شكل ... و متشفهوش و هو بيدبح !!

أخدوها بعد عذاب بعيد عن الخروف ...

اتدبح الخروف و الحمد لله ...

بسمله طبعاً أصرّت انها تروح للخروف ... !!

رجعت مش لقيته .. و طبعاً مـ جاش فـ بالها إنه البتاع اللي مرمي ع الأرض ده !!

و بكل براءة الأطفال شافت الدم و قالت ...

بسمله : يااااااااااااه كل ده كاتشب يا ماما ... !!

موقف كوميدي طبعاً - حصل بجد - ... !!

خلاص دبحوا الخروف .. و انتهت المشكله ...

و بسمله مازالت تحلم يومياً بـ حاروف أحلامها ...... !! D:

******************

عارفه إن الحلقه رخمه قوي ...

و فيها رغي مالوش لازمه ... و ممكن فيها إختصار ...

مش عارفه .. معلش فاقده التركيز تقريباً ... !!

بعتذر عن الحلقة دي بالذات ...

بس كان لازم أخلصها .. لإني مفتقده مدونتي بجد ...

اللي اتعودت انها بتعبّر عنّي .. و عن اللي جوّايا ... !!

نفسي أقدر أرجعها تاني على قد مـ أقدر ... !!

دعاوتكم بقى لإن كل حاجه متلخبطه بجد ... :(

آسفه مره تانيه ...

يوم من العيد .. فـ البيت السعيد .. !! (2)

آخر حاجه وصلنالها ... إن محمد كان بيسوق العربيه ف أمان الله ...

و فجـــــــــــــــــــــــــــأه .........!!راجل و بصوت عالي : يا بيه ... يا بيه ... الحق ....!!

محمد بإستغراب : أنا ؟؟!!

الراجل : أيوه أنت ...

محمد بإندهاش وقف العربيه : في إيه ؟؟

الراجل : الشنطه بتاع العربيه مفتوحه !!

محمد : الحاروف فين ؟؟!!

الراجل : حاروف ايه ؟؟!!

محمد : الخرووووووووووووووووووووووووووف !!

بسمله : بابا بابا الحاروووووووف راح فييييييين ؟؟

محمد ينفض لبسمله و يجري وسط الشارع : امسكووووووووووه !!

الناس : حراااااااااااااامي ؟؟!!

محمد : الخروووووووووووف !!
واحد ابن حلال ماسكه : اتفضل يا بيه ... و يبقي اقفل الشنطه كويس !!

محمد (و البرستيج خلاص علي كده ) : شكــــــــــــراً !!
محمد مش عارف يمسك الخروف كويس ...

و عمال يحاول يمسكه او يشد فيه ...
ابن الحلال : عنك يا بيه ... سيبهولي ...

محمد : !!!!!!!!!!!!!!!!!!!!!!!!!!!!!!!!!!!!!!!!

العربيه هناك اهي .. وصلو للعربيه خلاص ..

و ابن الحلال بيحط الخروف ف الشنطه .. و بيقفلها ...
ابن الحلال : الشنطه مش راضيه تقفل يا بيه !!

محمد : اوعا انا هقفلها !!

ابن الحلال : طيب !!

محمد بعد محاولات كتيره : و بعدين ايه الحل ؟؟

دي مش راضيه تقفل !!

ابن الحلال : مفيش إلا حل واحد ....

محمد : ايه ؟؟؟؟؟؟؟؟

ابن الحلال : حطه معاك ف العربيه !!

محمد : ايه ؟؟؟؟؟؟؟؟؟!!!!!!!!!!!!طبعاً محمد اضطر يحطه ف العربيه ... !!

- (الله يرحم أيام ما كان خايف بسمله توسخ العربيه !!) -
وطبعاً بسمله م صدقت و قعدت تلعب مع الحاروف ف العربيه ...

و محمد هيموت م اللي بيحصله وعمال يبرطم و يقول : ده مكنش يوم !!
**********

الحمد لله وصلو عند العماره خلاص ...
محمد لعبد السميع البواب : تعالا شيل البتاع ده طلعو فوق ...

عبد السميع : حاضر يا بيه !!

بسمله : لأ انا اللي حايسه اجره لفوق !!

محمد : تجرّي ايه يا بت انتي ؟؟!! انتي اتجننتي ؟؟!! تعالي يابت هنا ...

بسمله : !!!!!!!!!!!!!!!
**********

ف البــــــــــــــــــــيت ....رنا بكل برود : جيبتو الخروف؟؟

محمد يبصلها بغيظ و يسكت ...!!

بسمله : البابواب بيتلع الحاروف ع الثلم ...

رنا : ايه يا بت القرف اللي انتي فيه ده ؟؟!!!

بسمله : ايه يا ماما ؟؟ انا كنت بعلب مع الحاروف !!

رنا : روحي جري ع الحمام ...

بسمله : حاااااااااااتر !!

رنا بتبص لمحمد : ده هنحطه فين بقي ؟؟

محمد ولا معبرها !!

رنا : جرا ايه يا محمد ؟؟ م ترد عليا !! هو انت واكل سد الحنك !!

محمد : انتي مش كنتي عايزه الخروف ؟؟!!

خلاص جيبتهولك ... سيبيني ف حالي بقي !!

رنا : هنحطه فين طيب ؟؟

محمد : ارميه ف الحمام ...
بسمله سمعت الكلام ده و كانت حتموت م الفرح ...

الحاروف رايح بنفسه لحد عندها ف الحمام !!رنا : ايوه يا عم عبسميع ... حطه هناك ... ف الحمام ...

عبد السميع : حاضر يا مدام ...بسمله طبعا فرحانه جداً ... و قاعده مع الخروف عماله تلعب معاه ...رنا : أنا مش قولتلك تروحي جري ع الحمام ؟؟

بسمله : اه يا ماما ... م انا ف الهمام دلوكتي !!

رنا : يعني فاكراني عايزه اتفرج علي جمالك و انتي واقفه قدامي كده !!

بسمله : يعني ايه ؟؟

رنا : يعني اترزعي تحت الدوش ... بدل القرف اللي انتي فيه ده !!

بسمله : حااااااااااااتر !!
بسمله طبعاً مطيعه سمعت كلام مامتها و نزلت تحت الدوش !!

و ماماتها إديتها الشاور المحترم ...
و طبعاً خلصت من هنا ... و قعدت مع الخروف من هنا ...!!
رنا : ايه يا بت ده ؟؟ ايه اللي بتهببيه ده ؟؟

بسمله : ايه يا ماما ؟؟؟

رنا : هو أنا مش لسه محمياكي ؟؟

بسمله : اااااااااه !!

رنا : اومال بتهببي ايه هنا مع البلوه ده ؟؟

بسمله : بوّه مين ؟؟

رنا : الخرووووووووووووووف !!

بسمله : م تقوليش ع الحاروف بتاعي بوّه .. و بعدين أنا بعلب معاه ....

ثيبيييييييييييني براحتي بقى !!
رنا : قومي يا بت ... روحي بسرعه تحت الدوش و انا جايالك ...

بسمله : ليه يا ماما ؟؟ ثيبيني اعلب مع الحاروف بتاعي ثويه !!

رنا : سمعتي كلامي ؟؟!!

بسمله : اه !! حلاث !!
طبعاً رنا حمت البت و نيمتها ع السرير ... و خلاص علي كده ...

و راحو نامو ...

خلص يوم الوقفه علي كده بعد عذااااااااااااب !!**********أول يوم العـيد ....رنا : كل سنه و انت طيب يا محمد ... قوم يلا عشان نصلي العيد ..

محمد : حاضر ... روحي صحي البت بسمله ...

رنا : حاضر ...
رنا رايحه تصحي بسمله ...
و فجـــــــــــــــــــــــأه ....!!رنا بصوت عالي : محمد ... الحقني ... البت مش موجودة ... البت مش ع السرير ... !!

البت مش موجوده ... تاهت ... اتخطفت ... الحقوني يا ناس ... البت اتخطفت ...

محمد : اهدي بس ... متلميش الجيران علينا ...

سمي الله كده و قولي دعاء الضاله و انتي تلاقيها ...

يا بسمله ... يا بسمله ... انتي يابت ...

و فجـــــــــــــــــــــــأه ........

نكمل بعدين فـ الحلقة الأخيرة إن شاء الله ...

كفايه عليكم الغلاسه دي النهارده ... !!!

يوم من العيد .. فـ البيت السعيد .. !! (1)

بما إننا فـ العيد ...

- كل سنة و كلكم طيبين و بخير -

و المدونة بقالها كام يوم .. قصدي كام شهر .. كئيبه ... !!

و المود كمان كئيب و نص ... !!

و كمان فـ العيد ... !!

فـ يعني حرام آجي أكئبكم معايا كده ...

فـ عز العيد و فروته ... قصدي فرحته ... !!

دي بتاعه كنت كاتباها .. باين من سنتين ... !!
و باين كده كمان ...

كانت أول محاوله ليّا كـ حاجه ساخره - ده لو إعتبرناها كده يعني - ... !!

المهم .. مش هـ أطوّل عليكم ...

هنزلها جزء .. جزء إن شاء الله ...

و لو فيها أمل .. هـ أحاول أكمّلها .. لإنها بلا فخر مش كامله ... !!

كفايه رغي بقى .. و ندخل فـ الموضوع ... !!

ابطال قصتنا ...

* بسمله : بنوته شقية .. نقول 4 سنين مثلاً ؟؟

* رنا : أم بسمله ...

* محمد : أبو بسمله ...

يوم الوقفه ...رنا : ايه يا محمد انت مش ناوي تروح تجيبلنا الخروف ولا ايه ؟؟

محمد : لا طبعا هجيبه ...

بس استني الماتش ده لما يخلص و انا هنزل اجيبه ..

رنا : يا مسهل ياااااااارب ...

انا هروح اعملكو الغدا بقي عشان تلحق تاكل قبل م تنزل ...

محمد : طيب ماشي ... بس بسووورعه ...

بسمله : بابا بابا انت مث هتكيب الحاروف ؟؟

محمد : حاضر يا بسمله الماتش هيخلص كمان شويه و هقوم اجيبه ...
و طبعاً اذا وجدت بسمله .. و جدت بسمله فقط .. !!
يعني ياعيني عليك يا محمد مش هتشوف الماتش !!
بسمله : بابا بابا بابا بابا يلا بقي الماتش طول كده ليه ؟؟

محمد : يابنتي ده م فاتش 5 دقايق من اخر مره كلمتيني فيها !!

بسمله : واااااااء وااااااااء واااااااء وااااااااء واااااااء وااااااااء

محمد : رنا تعالي حوشي البت دي بعيد عني ..!!

رنا : حاضر يا ابو بسمله ...

تعالي يا بت هنا و متغلبيش ابوكي .. روحي العبي بالعروسه بتاعتك يلا ..

بسمله : تيببسمله تاني : ماما ماما ماما

رنا : في ايه يابت خضيتيني !!

بسمله : هو بابا مش هيكيب الحاروف؟

رنا : هو مش قالك هيجيبو بعد الماتش ؟؟؟؟!!!

بسمله : اه قال ....

رنا : طيب روحي العبي بقي

(الصببببببببر من عندك يارب !!)

بسمله : حاتر..
بسمله تاني : طيب هو الماتس ته هيخلس امتي ؟؟

رنا : خلاص هيخلص كمان عشر دقايق .. اشد ف شعري يعني عشان تستريحي ؟!!

بسمله : تيب

بسمله تاني : ماما ماما ماما

رنا : يادي الهم ... جيبناهم ليه العيال دي ؟! نعم في ايه تاني ؟؟

(الصبببببببببر!!)

بسمله : هي ال عسر تقايق تول يعني كد ايه تده ؟؟؟

رنا : يارب ارحمني !!

يعني انتي روحي العبي بالعروسه شويه صغننين و هتلاقي بابا جاب الخروف ...

بسمله : تيب ..
بسمله بعد دقيقتين : ياماما بابا م جابس الحاروف ليه ؟

رنا : هو انتي لحقتي يا شيخه ؟ حرام عليكي !!

اقولك حاجه رووحي اسألي ابوكي ...!!و عند بابا ف الصاله ...بسمله : بابا بابا بابا

محمد : نعم ؟؟!!!

بسمله : هو انت مس هتكيب الحاروف ؟؟

محمد : هجيبه خلاص الماتش بيخلص اهو ...

بسمله : تيب ...
بسمله بعدها بشويه : بابا بابا بابا

محمد : يانعم؟؟!!

بسمله : الماتس لثه م خلسش؟؟

محمد : انا هقوم خلااااااص ... بلا ماتش بلا ماتس !!

بسمله : هيييييه هيييييه هيييييه بابا هيكيب الحاروف هيييه هيييه ...

محمد : يعني حتي الواحد ميعرفش يتفرج ع الماتش ف اليوم الهباب ده !!

رنا : استهدي بالله كدا .. د النهارده الوقفه ...و كالعاده ..

بسمله تقطع حديثهم :بابا بابا بابا انا عايزه اروح معاك ..!!

محمد : معايا فين ؟؟!!

طبعاً رنا انسحبت علي طول عشان تخلص م البت بسمله ...

و راحت تكمل الأكل و سابتها مع ابوها ...!!
بسمله : عند بتاع الحاواريف !!

محمد : حاواريف ايه يا بت انتي ؟؟

بسمله : الحاواريف اللي عندو الحاورف اللي هنتبحهو!!
محمد : الحاواريف !!

آآآآآآآآآآآآآآآآآآآه ياااااااااااااااااني ...

يا رنا تعالي شيلي البت دي من قدامي لحسن هخبطها ف الحيطه !!

رنا : مالها دي كمان ؟؟ عايزه ايه ؟؟

محمد : عايزه تروح معايا عند بتاع الخواريف ... الخرفان قصدي !!

رنا : ومالو خدها معاك !!

محمد : انتي عارفه بنتك م بتسكوتش و هتجنني هناك !!

رنا : متخافش يا محمد .. مش هتعمل حاجه ان شاء الله ..

و بعدين العيد مش بيجي الا مره واحده ف السنه ...

مش هتفرق .. فرّح البت و خودها بقى ...

محمد : حاااااااااااااااضر... حوطيلي آكل بقي ...

رنا : الأكل لسه م خلصش م انت شايف البت كانت مجنناني جوه !!!

محمد : مش عايز اطفح و لا اتنيل .. روحي لبسيها بسرعه...

رنا : حاضر (بتبرطم ف سرها طبعاً)بسمله طبعاً متشيكه و رايحه تكيب الحاروف بتاعهم !!عند بتاع الحاواريف ...محمد : عايزين حاروف يكون متغذي كويس و واكل أكل نضيف ...

الجزار : حاروف ؟؟!! ايه يا بيه ؟؟!!

محمد : حاروف ايه ياعم الحاج ؟؟ احنا هنهزر ؟؟!!

الجزار : م انت اللي بتقوللي حاروف !!

محمد : خروف ... انت بتسمع منين ؟؟!!

الجزار : من وداني !!

محمد : يا راااااجل ؟؟!!

م هو باين !! هو انا قولت حاروف خالص ؟؟؟!!!!

الجزار : اه قولت

محمد : لأ مقولتش ...

الجزار : قولت

محمد : لأ مقولتش ...

الجزار : قولتوهكـــــــــــــذا .........!!محمد : مقولتتتتتتتتتتتتتتتتتش ... و فيه مليون جزار غيرك !!

انتي يا بت يابسمله تعالي يلا عشان نغور من وش الراجل النكد ده !!

يا بت يا بسمله ؟؟ يا بسمله ؟؟!! يا بت يا بسمله ... انتي فين ؟؟!!

يخرب بيت اليوم الهم ده .. ناقصه البت تتوه كمان ... يادي الخيبه !!

يابسمله .. يا بنت الـــــ ( تيييييييييت ) .....

بسمله : ايوه يا بابا !!

محمد : انتي فين يا بت ؟؟

بسمله : انا هنا يا بابا !!

محمد : فين يعني ؟؟

بسمله : عند الحاواريف !!

محمد و الصدمه باينه عليه : يانهار اسود !!

ايه اللي انتي مهبباه ده !! يومك مش فايت !!

انزلي يا بت من ع الخروف .. الراجل هيجي يدبحنا بداله !!

يانهار اسود !! الجزار جي .. انزلي ...

بسمله : لأ يا بابا خليني ثويه !!

محمد : انزلي يا بنت الــــــ ( تيييييييييت ) ......

بسمله : حاتر !!

محمد : اجري يا بت ع العربيه واركبي بسورعه ...

قبل م الراجل يعرف البلوه اللي هببتيها !!بسمله : حاضر !!***************
مشهد فظيع لم الناس حوليهم ...

البت بسمله بتجري ... و ابوها بيجري و هو ميت م الرعب !!وصلو للعربيه ... و البت بسمله مطيعه و ركبت العربيه علي طووول ..
محمد : يانهارك مش فايت ... ايه اللي خلاكي تركبي هنا ؟؟!!

بسمله : انت اللي قولتلي اركب !!

محمد : تركبي بهدومك المنيله دي !!

د الفستان بقي اسود مش ابيض !!

ياااااادي القرف و ريحتك كمان خرفان !!

بسمله : اعمل ايه يعني يا بااابااا ؟؟!!

محمد لحظة تفكيييير ... و فجأه ... : اركبي ف الشنطه !!

بسمله : !!!!!!!!!!!!!!!!!!!!!!!!!!!!!!!!!!!

محمد و هو بيكعبل البت و يلفها كوره شراب :

ادخلي يا بت ف الشنطه ...

مش مستعد اجيب حد ينضفلي العربيه من اول و جديد ... !!طبعاً مش محتاجه اوصف حال بسمله ف الشنطه !!

ومحمد بكل هدوء بيسوق العربيه ... و ف طريقه للجزار التاني ...!!
**************************عند الجزااااااار التاني ...محمد : عايزين خروف يكون متغذي كويس و واكل أكل نضيف

الجزار : اكيد عندنا يا باشا انت تؤمر... تعالا افرجك ...و طبعاً عمنا محمد رايح معاه و هو ماسك ايد البت بسمله ...

خايف تعمل فيه العمله السوده تاني ... !!

م هي مش كل مره تصيب !!

المهم عمنا محمد اتفق علي حاروف .. قصدي خروف عجبه حبتين ...

بس طبعا التمن تقيل عشرتلااااااف حبه (مهو جايبه ف الوقفه) ...

فضل يفاصل محمد مع الجزار و كان هيمشي من غير م يجيب حاجه ..

لولا الأروبه بسمله شبطت فيه و مريضيتش تسيبو ف حالو ...

فالراجل اضطر آسفاً انه يجيب الخرووووووف ...
محمد : حط الخروف ف الشنطه مع البت دي !!

الجزار : بت ايه يا بيه ؟؟!!

محمد : لأ ولا حاجه ... حووووووط الخروف ف الشنطه ...

الجزار : حاضر يا باشا ...محمد سايق العربيه ف امان الله و البت بسمله جنبه طبعاً ...

عشان الاحراج و البرستيج قدام الناس بقي وكده ...!!
و فجـــــــــــــــــــــــأه .......
هكمل بعدين بقي عشان الحلقه دي غلسه و فيها رغي مالوش لازمه !!