يا قلب يا مقفول .. إمتى الدخول ؟؟
صبرت ياما .. و اللي يصبر ينول
دقيت سنين .. و الرد يرجع لي : مين ؟؟
لو كنت عارف مين أنا .. كنت أقول !!
و عجبي !!!
***
!!؟؟ ... مش عارفه ... ؟؟!!
هو ينفع الواحد يحس إن قلبه مقفول من ناحية ناس كتير قوي ... ؟؟!!
بسبب أو بدون ... ؟؟!!
!!؟؟ .... مـ اعرفش .... ؟؟!!
حاسه إن فيه حاجات كتير غلط ... !!
يمكن الغلط ده مـ اللي حواليا ... ؟؟!!
و يمكن من جوايا ... ؟؟!!
فـ كل الأحوال .. الأكيد أنا السبب ... !!
***
!!؟؟ ... مش عارفه في ايه بجد ... ؟؟!!
إحساس غريب جداً ...
يمكن مش أول مره أحس بيه ... !!
بس مش عارفه إشمعنى المره دي حاولت أتكلم ... ؟؟!!
يمكن لإني قلقانه قوي ... ؟؟!!
و يمكن لإني مخنوقه شويتين ... ؟؟!!
و يمكن لإني خايفه جداً ... ؟؟!!
و يمكن لإن كذا إحساس داخل مع بعضه فـ وقت واحد ... ؟؟!!
!! ... مش عارفه بجد ... !!
حاسه بحاجات كتير جوه بعض فعلاً ... !!
مش قادره أحددها بالظبط ... !!
ولا قادره حتى أحددلها سبب مقنع ... !!
***
كل اللي حاساه إن قلبي مقفول من أغلب الناس ... !!
حتى مش عارفه أفرح ولا أحزن بـ كده ... ؟؟!!
أفرح لإن معنى كده إن فيه حاجات جوايا يمكن تفوق ...
و إنها هـ تبص لنفسها و بس بعد كده ... ؟؟!!
ولا أحزن لإني مش حابه الإحساس ده نهائي ...
و إني متأكده لو قدرت أبص لنفسي مش هرتاح ... ؟؟!!
***
مستغربه من الإحساس ده ...
و مستغربه أكتر لإن يمكن أسباب قفلتي مش مستاهله كل ده ... !!
كل اللي حاساه إن مـ حدش بيهمه الباقيين ... !!
و إن نفسي مـ بتتعلمش بسهوله ... !!
و إن No One Deserve صح ... !!
- إلى حد كبير .. بس أكيد مش كله -
و أكتر حاجه حاساها و متأكده منها ...
إن اللي أنا فيه ده ليس إلا .. حساسيه زياده عن اللزوم ... !!
***
ملاحظة ...
الرباعيه اللي فوق أكيد للرائع جاهين ...
بس بتصرف مني .. حد معترض ... ؟؟!!
كلاكيت تاني مره ...
إعتذار عن تأخر الخطوة التانيه ... !!
!! .... دعواتكم .... !!
***
تحدييييييييييث
الحمد لله من ناحية القلب المقفول من أغلب الناس إتحسن شويه ...
مش قلت قبل كده إني عبيطه و بعدّي كتير ... ؟؟!!
القلق .. لسه بقى .. ربنا يستر ... !!
بس ع الأقل سببه معروف ... !!
النتيجه بقى .. إدعولنا ... !!
