تالت يووووووم ... !!

السبت الموافق 31\05\2008 :
!! ... Electronics إمتحان
مادة المفروض يعني إني مـ كنتش خايفه منها قوي ...
بس الصراحه يعني إستطعبت فيها قوي ... !!
و الحالة النفسيه سبب أساسي لإنها كانت تقريباً شبه متدمره ... !!
حاجات غريبه بتحصل مره واحده و بكتشفها مره واحده ... !!
و المشكلة انهم كلهم فـ مره واحده ... !!
ما علينا مش وقته دلوقتي ... !!
بدأت مذاكره فـ ليلة الإمتحان بالظبط ... !!
و كمان بدأت ع الساعة 2 الفجر ... !!
جيت ع الآخر فـ الحاجات المهمه اللي مـ كنتش مذاكرها ...
تقريباً كده مخي قفل ... !!
بس حاولت أكمل .. و فعلاً كملت ... !!
لكن مش مذاكرة واحده داخله إمتحان كمان ساعات ... !!
و فضلت مطبقه لـ حد مـ رحت الإمتحان ... !!
و كنت تقريباً مش قادره أركز فـ حاجه ... !!
يوم الإمتحان .. يُكرم المرء أو يهان ... !!
الإمتحان مـ كنتش متخيلاه كده .. لإن إمتحان الميد تيرم كان سهل ..
بس للأسف الفاينال كان مش حلو قوي ...
الشباتر الأخيره اللي مـ اتذاكرتش كويس ...
كانت مسائل .. عشان كده مـ كنتش ضامناها قوي ... !!
إنما النظري كنت تقريباً مذاكراه كويس إلى حد ما ...
لكن فـ الإمتحان ... لقيت إن ولا ده ولا ده ضامناه ... !!
النظري كان غريب ... !!
أسئلة كلها مفتوحه .. مـ تعرفوش هو عايز ايه بالظبط ... !!
المسائل .. القوانين دخلت فـ بعض للأسف ... !!
و مع قلة النوم .. يبقى فيه قلة تركيز ... !!
يبقى أنا عكيت فـ الإمتحان .. كعادتي ... !!
- الحمد لله على كل حال -