السبت الموافق 07/06/2008 :
إمتحان Physics ... !!
المذاكره كالعاده متأخره ...
ذاكرت فـ يومين تقريباً ...
ده غير الوقت الضايع طبعاً... !!
كنت حاسه إني ضايعه فـ المادة دي زي أغلب المواد ...
جاتلي حالة تفاؤل شويه مـ أعرفش منين ...
بدأت أذاكر .. بروقان طبعاً ... !!
خلصوا اليومين .. و طبعاً مـ كنتش مخلصه ... !!
صحيت بدري .....
و يمكن مـ أكونش نمت أصلاً غير حبة قليلين ... !!
طبعاً عايزه أخلص اللي ورايا بسرعه ...
يبقى أكيد مذاكره مالهاش لازمه ... !!
و فـ الآخر كمان كان بقيلي جزء مش مكمّلاه ...
و حاجات كتير عايزه تتراجع ... !!
بس للأسف مـ لحقتش أخلص ...
و كمان مـ لحقتش أراجع على كل اللي كنت عايزاه ...
يوم الإمتحان يّكرم المرء أو يُهان ... !!
رحت الإمتحان .. أعصابي كالعاده بايظه ...
و كمان بايظه أكتر عشان مش مراجعه على حاجات هنساها ...
شفت الورقه .. مفيش أي حاجه راضيه تيجي ...
القوانين - كالعاده - كلها دخلت فـ بعض ...
التعريفات هي كمان نفس النظام ... !!
مش عارفه أصلاً أنا ايه اللي كنت فاكراه بالظبط ... !!
إبتديت أهدى شويه .. و المعلومات ابتديت أفتكر حبه منها ...
السؤال الأخير - تقريباً - ضايع كله ...
و اللي قبله حبه منه ...
و الباقي إلى حد ما كويس ...
بس كـ مُجمل .. مش حلو ...
و اللي يزيد ويغطـّي ...
إن الدكتوره شديده .. و الله أعلم تصحيحها عامل إزاي ... !!
خصوصاً إن المادة دي كمان .................
إحم .. ما علينا ... !!
- الحمد لله على كل حال -
ملاحظة مالهاش لازمه : إني لـ حد دلوقتي مـ نمتش ... !!
مـ تعرفوش النوم بيحلا وقت الجد ليه ... ؟؟!!
ملاحظة مش لازم تقروها : أنا عملت حاجه وحشه فـ الإمتحان ...
يمكن تكون لـ ناس كتير عاديه ...
بس أنا مش راضيه عن نفسي لإني عملتها ... !!
سامحني يا رب ...
البلوج جميل جدا يا دودو ونظامك فيه حلو اووووووووى مستنين المزيدددددددد
ردحذفكوكي .. ؟؟!!
ردحذفأكيد انتِ طالما قلتي دودو ... :$
نورتي البتاع والله ...
ونورتي التعليقات اللي مـ حدش بيعلق فيها .. !!
و نورتي ضحايا الإمتحانات ...
شكراً يا قمر على وجودك ...
ربنا مـ يحرمني منك أبداً ... (f)
مبرووووووووووووك التدوين يا فسدق
ردحذفاسلوبك جميل في التدوين
تحياتي و تقديري
د.أحمـــــــــد ...
ردحذفمش ممكن .. حضرتك منور عندي ... ؟؟!!
سعيده جداً بوجودك ...
ياريت تبقى تنورني تاني بقى ...
شوفت انت طمع كده ... ؟؟!!
نورت يا دوك بجد ... (f)
حراااااااااااااااااام
ردحذفحتى هنا فى فيزيا
حرااااااااااااااااااام بجد
3 سنين بشيل فى الماده دى من اول ما دخلت الكليه
اتشليييييييييييييت
Just Some Lonely 1 ...
ردحذفعااااادي على فكره ... :(
دي فيزياء يعني .. نو كومينت ... !!
شد حيلك و إن شاء الله تعدّي فيها ...
شوف بس ع الأقل محاضرات و لو في إمتحانات مهمه ...
هـ تفرق كتير إن شاء الله ... :)
منور ... (f)
لا خلاص كانت ايام ربنا تاب علينا منها
ردحذفعديت اخيرا الحمد لله
Just Some Lonely 1 ...
ردحذفطيب الحمد لله خير ... :)