زي مـ إتعلـّمنا فـ الـ logic ... قاعدة الـ don't care ...
***
الـسؤال يجي يقولك ...
إعمل simplify بـطريقة الـ don't care ...
إزاي بقى بـ نحل ... ؟؟!!
بنعمل care لـ للحاجات اللي هـ تفيدنا فـ الـ simplify ...
don't care لأي حاجه مالهاش لازمه و مش هـ تفيدنا ... !!
***
إعمل simplify - لـ حياتك و نفسك - ... !!
care لـ مصلحتك ... !!
don't care لأي حاجه أو حد مـش بتستفيد منه ... !!
هو ده logic الحياة ... !!
***
السؤال هنا ...
إزاي فيه ناس بـ تقدر تستخدم قاعدة الـ don't care حياتياً ... ؟؟!!
***
ملاحظه : ممكن فكرة الموضوع مـ توصلـّش لبعضكم بـ سهوله ...
لإنكم محتاجين تكونوا عارفين ع الأقل قاعدة الـ don't care ...
بعتذر لأي حد مـ وصلتلوش الفكره ... !! :(
السلام عليكم ورحمة الله وبركاته
ردحذفببساطه
اكسري كل القواعد
واعملي Simplify لاي حد مضايقك
بس ما تحطيش كل الناس ف Dont care اكيد فيه ناس مش هيصح Logic الحياة غير بيهم لكن فيه ناس يستحقوا يكونوا Dont care من غير اي تفكير
دول ما يستحقوش يكونوا في معادله حياتك
واكتر حد يستحق Care هو نفسك
ولو اخترتي حد تاني يكون ف ال care فمن لاحسن تطبقي عليه كل ال Conditions وتاخدي النواتج ع And يعني لازم كل النواتج تكون ايجابيه عشان يبقي الامحصله ايجابيه.
والغي فكره ال OR من Logic حياتك
شكرا ع الموضوع الغريب من نوعه
وسلاااااااااام عليكم
$$ ThE UnKnOwN $$ ...
ردحذفو عليكم السلام و رحمة الله و بركاته
ههههههههههههههههههه
لا أنا كده هـ الم عزالي و اروّح ... !!
أنا اللي كاتباه مـ يجيش حاجه جنب اللي كاتبه ...
ماشاء الله عليك ...
ردودك مميزه دايماً .. و واقعيه جداً ...
بس للأسف حكاية الـ don't care صعب عليا أنفذها ... !!
نفسي أتعلم بجد ...
دايماُ الـ care للناس اللي مـ يستحقوش بتيجي ضدك ... !!
و نفسي للأسف مازالت محتاجه care جداً ...
دعواتكم بقى ... :(
إلا انت مـ فكرتش تعمل مدونة ليه ... ؟؟
منور يا انون ... (f)
ايه قله الادب ديه بنروح ندح كده من اول يوم لحقتي وصلت لشابتر اتنين يا سوسه يا فدوتشي
ردحذفهههههههههههههههههههههههههههه
في قاعده هاقلك عليها وانتي عارفاها كويس
كبري الـ D
وروقي الـ G
وريحي الهارد وكل شغاااااااااااااااال يونيفرسل
وفي حاجه تانيه
Rain From A Cloudless Sky
يعني من الاخر عشم ابليس في الجنه
هو عشمنا في اننا نعدي من غير حمول السفينه
فخمتوا حاجه يا كيخستو
>جريكي يعني يوناني<
بمعنى فهمتي حاجه يا فدوتشي
يالا فكك بقا وكبري وروقي وظبطي نفسك نفسك بلا نيله هناخد ايه من الــ
..........
هههههههههههههه
ديه مينفعش تكتب ع البلوج
والله ما كنت اعرف ان احنا ممكن نطبق قواعد اللوجيك في حياتنا 'طيب والله طلعت مفيده
ردحذفبس تتخيلوا اننا لوطبقنها هنرتاح
لان في ناس كتير فعلا ميستحقوش الا انهم يكونوا في dont care بس اذاي نفسي اعملها مبعرفش نفس انسي اي حد باعني مش بعرف يا ريت المره الجايه تقلنا اذاي نقدر نحط الناس دي في dont care
المصيبه ان بحث ان الناس كلها بتعرف تحور الا انا شايف الناس كلها كويسين وطيبين ذي مش عارف اذاي
عشان كدا مش عارف افرق بين الناس الي الفروض يكونوا في dont care والناس الي المروض يكونوا في care ودي المشكله التانيه
شكرااااااا
واضح انه تهييس امتحانات
ردحذفهو انتو لسه بتاخدو لوجيك
طيب ربنا معاكى بقى
انا اخدته السنة اللى فاتت
ودونت كيير ... اقصد ربنا يستر
ربنـــــــــا معانا جميعاً
تحياتى فصدقة
Teawater ...
ردحذفربنا يسامحك .. كده يعني ... !! :(
و بعدين سيادتك أنا مؤدبه ... D:
بدليل إني لسه ناويه أبدأ كمان شويه ... !!
- ده لو بدأت .. دعواتك -
كنت بجرب بس أراجع معلوماتي ... !! D:
بس يظهر كانت محاوله فاشله ... !! D:
هههههههههههههههه
آمين ياختي يارب أروق كده زي مـ بتقولي ... !!
آلـ أروق آلـ .. ده انتِ عندك أمل ... !! D:
كنت روّقت من زمان .. بس بـ أحاول أهو ... !! :(
هناخد ايه من الـ ايه ... ؟؟!! D:
مين اللي مينفعش فـ البلوج ... ؟؟!! D:
عدت عليّا دي .. مش عارفه أجيبها ... !! :(
لما أشوفك .. بس لو افتكرت بقى ... :(
إكمّن الزهايمر بيحبني اليومين دول ... !! :(
منوره يا تي واتر ... (f)
hamaki ...
ردحذفللأسف هي دي المشكله كلها ... !!
إزاي نتعامل بـ برود ... ؟؟!!
إزاي نتعامل عشان مصلحتنا و بس ... ؟؟!!
إزاي نحط كل الناس فـ الـ don't care ... ؟؟!!
و نحط اتنين تلاته أو حتى خمسه فـ الـ care ... ؟؟!!
و كمان هـ نختارهم إزاي ... ؟؟!!
مـ هو غالباً كل الناس عندنا محطوطين فـ الـ care ... ؟؟!!
و أحياناً كلهم فـ الـ don't care ... !!
يمكن أهم حاجه زي مـ $$ ThE UnKnOwN $$ قال ...
نعمل care لنفسنا الأول ...
و بعدين نشوف بقيت الناس ...
نطبق عليهم الـ conditions ...
لو الـ conditions أغلبها إتحقق .. يبقى care ...
- بس نتوقع إنهم ممكن فـ لحظه يبقوا don't care ... !! -
و لو الـ conditions مـ تحققتش ...
يبقى don't care .. بسي إزاي بقى ... ؟؟!!
الله أعلم ... !!!!!!
يمكن بالتدريج .. و المحاوله ... ؟؟!! D:
مش عارفه .. حاسه إن الموضوع صعب ... !!
يمكن لو ذاكرنا logic ...
الموضوع هـ يبقى أسهل ... !! D:
منور يا حماقي لأول مره ... (f)
mo5tar ...
ردحذفواضح انه تهييس إمتحانات ...
على تهييسات كتير ... !!
ربنا مـ يوريك يعني ... !! :(
ههههههههههه
بناخد لسه لوجيك أينعم ... :(
ربنا معايا و معاك و معانا كلنا ...
و ربنا يستر ...
أما نشوف أخرتها ... !!
منور يا مختار ... (f)
حبيتى كلامك جميل وعندك حق فعلا بس أعملى زى الناس ما بتعمل وأنا منهم كبرى و الشخص اللى ما يستحقش care خليها فى dont care حتى لوكان عزيز عليكى زى اللى حصل معايا مع اللى بالى بالك وبكده هيبقى logicحياتك بسيط يعنى محدش واخد منها حاجة عيش الدنيا لحظة بلحظة ومتخليهاش تقف عند حد وربنا يوفقك فى الأمتحانات يا عسولة سلام
ردحذفNany ...
ردحذفناااااااااني يا عسل ... ؟؟!!
بجد لولا المسج مكنتش هـ اصدق ... !!
انتِ لسه فاكره المدونة دي ... ؟؟!!
تعليقك كان مفاجئه جميلة بجد ... :)
الواحد بيحاول يتأقلم و يعمل don't care ...
بس حاسه إن الموضوع صعب قوي ... :(
عملتي don't care مع مين ... :(
don't care بتاع أيام زمان ... ؟؟!!
و لا حد تاني جديد ... !! :(
مش عارفه رغم كل اللي كان بيحصل منهم ...
إلا إني بشتاق لأيام زمان قوي ...
حاسه إنها كانت من زمان جداً ... !!
و إننا مـ استغلينهاش صح ... !!
و حاسه كمان إن كان فينا و لو ذرة براءه ... !!
اييييييييه دونيااا ... !!
ليّا قاعده معاكي إن شاء الله بعد الهم بتاع الإمتحانات ... :(
وحشاني ... :$
ربنا معاكي يا جميل ... :)
منوره المدونة جداً جداً جداً ... (f)
ياحياتى وأنتى وحشانى أكتر وكمان مين قال أنى مش فاكرة المدونة الجميلة يا يا شيخةده أنا كل يوم بحلم بيكى وبالمدونة الجنان بتاعتك دى معلش هوكان فى شوية مشاغل كده وأن شاءالله ليناماعد فى المكان بتاعنا بعد همنا الكبير الأمتحانات وبالنسبة dontcareهم الناس بتوع زمان أنتى عارفه هحكيلك لمانتقابل أن شاء الله
ردحذفأستودعك الله
Nehal ...
ردحذفايون ايون .. ايه حكاية الأحلام دي ... ؟؟!!
مش ستريحالك ... !! D:
ربنا يستر و المشاغل تكون عدّت على خير ...
و بالنسبه للـ don't care بتاع زمان ...
كنت فاكراها أيام و عدت خلاص ... !!
بس يظهر إن الواحد صعب ينسى بـ سهوله ... !!
عموماً مـ تقلقيش ...
كده كده غالباً كانت هـ تكون فـ الـ don't care ...
لإن كل واحد راح فـ حته ... !!
مع إني شايفها عسوله و طيبة ... :(
بس مش عارفه .. لما أشوفك بس ... !!
كانت أيام والله ...
بس بتمناها ترجع ... !! :(
هـ اشوفك إن شاء الله قريّب .. هانت ...
و إحتمال أروحلك مخصوص انتِ و رنا ...
- هتخلص معاكي برضو -
ربنا يسهل بس ... دعواتك يا جميل ...
منوره تاني طبعاً ... (f)
يا سلام يا سلام
ردحذفموضوع حاسوباتى فى الصميم (:
بس بجد جميل أوى أوى
خصوصا جمله هو ده logic الحياه (:
أنا هخدها السنه الجايه ان شاء الله بس بناء على نصيحتك هطبقها من دلوقت
بس أنا عندى تعليق على أول تعليق من $$ ThE UnKnOwN $$
فى رأيى لازم نبقى or ... أصلها بتتلكك عشان تبقى ايجابيه ... يعنى كفايه حاجه واحده بس حلوه تدخلها تكون المحصله حلوه
أما ال and دى بقه صعبه و صارمه جدا ... لو حاجه واحده مش مظبوطه تهد الدنيا عشانها ...
و عشان كل حاجه دايما بيبقى ناقصها حاجه ... انصحك بال or (:
دعاء على ...
ردحذفهههههههههههههههه
حلوه وجهات النظر دي والله ...
وجهة نظر مقنعه برضو ...
ربنا معاكِ بقى فـ اللوجيك ...
و يارب تعرفي تطبقي لوجيك الحياة ...
و تخليني أطبقّه معاكِ ... !! D:
منوره يا قمر ... (f)
وحشتيني ... <":