2009/10/13

مـرجــيـــحـــة .. !!


يااااااااه لمّا الحنين بياخدنا
لمرجيحه بيتحضنا
و يااااااااه و بتعلى فوق سور بيتنا
تاخدنا لفوق و بتساعنا
***
نلاقي الطفل جوّانا
عينيه بالفرحه مليانه
و ضحكه مش مفارقنا
في بشره خير لأيامنا
***
و يااااااااه لما الحنين بياخدنا
لمرجيحه بتحضنا
***
يا ريت ترجع ليالنا
تاخد تاني أيادينا
تجمعنا تخلينا
نشوف من تاني قدامنا
***
و آآآآآآآآآآآه لما السنين بتعدى
و تسرق منا أحلامنا
***
و يااااااااه لما الحنين بياخدنا
لمرجيحه بتحضنا
و يااااااااه و بتحلى بيها دنيتنا
تاخدنا لفوق و بتساعنا
تلملمنا صديق و صديق
ترجع حلم قلب برئ
تقول غنوه تبل الريق
و ترجع بيها أحلامنا
***
و آآآآآآآآآآآه لما السنين بتعدي
و تسرق منا أحلامنا
و آآآآآآآآآآآه دي بتجري ما تهدي
تضيع ملامحنا و كلامنا
***
نفسي أركب مرجيحه .. و أحس معاها إحساس زمان ...
ع الأقل ... إحساس براءة زمان ............ !!
مـ عنديش أي تعليق راضي يجي للأسف ... !!
بس كفاية الإحساس اللي وصل .............. !!
***
آداء : حمزة نميرة
كلمات : سامح خيري
مرسلة بواسطة في
التسميات:

هناك 12 تعليقًا:

  1. rooney15/10/09 2:37 م

    جميل اوى البوست ده واحساس رائع
    اختيار جميل فعلا

    احسنتى يا بشمهندسه

    ردحذف
  2. !! a7mad sala7 !!15/10/09 3:11 م

    :)

    ردحذف
  3. fOsDö2ä15/10/09 5:33 م

    rooney ...
    شكراً يا فندم .. ربنا يكرمك ... :)
    معلش عقدة العودة للطفولة بقى .. !!
    منور المدونة لأول مره ... (f)

    ردحذف
  4. fOsDö2ä15/10/09 5:36 م

    !! a7mad sala7 !! ...
    حلو الرد الموجز ده ... !! :)
    منور يا فندم ... (f)

    ردحذف
  5. عاشق الجنة من الإخوان صلى على النبى15/10/09 7:21 م

    كلمات رائعة
    واحساس طيب
    صلي علي النبي

    ردحذف
  6. fOsDö2ä15/10/09 7:40 م

    عاشق الجنة من الإخوان صلى على النبى ...
    عليه أفضل الصلاة و السلام ...
    شكراً يا فندم ربنا يكرمك ...
    ده من زوق حضرتك بس ... :)
    منور المدونة لأول مره ... (f)

    ردحذف
  7. قلم رصاص16/10/09 3:52 ص

    السلام عليكم ورحمة الله وبركاته

    ازيك يابشمهندسة ؟ عسى ان تكوني بخير
    من زماااااااان مبدخلش مدونتك وده تقصير من عندي .. لكن رغم ده حسيت ان حضرتك اللي مش بتكتبي اليومين دول زي الاول..!

    كل سنة وحضرتك طيبة

    ----

    بصراحة كلمات البوست جميلة جدا
    خصوصا انها بتاخدنا لمرحلو الطفولة
    ياسلااااااااام على دي أيام .. اتمنى ترجع تاني .. لكن هيهات هيهات
    انها قوانين الطبيعة

    اتمنى لك التوفيق ومزيد من التميز

    على فكرة انا لحد قبل اخر البوست كنت فاكر انها كلماتك الا اني اتفاجئت بانها مش بتاعتك .. لكن الكلمات في حدذاتها جميلة جدا أشكرك عليها

    دمتي في حفظ الله

    ردحذف
  8. fOsDö2ä16/10/09 8:28 م

    قلم رصاص ...
    و عليكم السلام و رحمة الله و بركاته
    الحمد لله بخير يا فندم ...
    مفيش تقصير و لا حاجه ...
    و لو في يبقى من ناحيتي أكيد ...
    كل سنة و حضرتك كمان طيب ... :)

    متهيألي كلنا بنشتاق لأيام الطفولة فعلاً ...
    بس للأسف اللي راح مـ بيرجعش ... !!
    ربنا يهدينا بقى لنفسنا ... :(

    الكلمات أكيد مش من عندي ... D:
    باينه يعني زي الشمس ... !! D:

    منور يا فندم ... (f)

    ردحذف
  9. غير معرف23/11/09 10:30 م

    مازالت الحياة طويلة إن شاء الله

    أفعميها بالأمل دائماً وصوبي سهمك نحو النجم ودعك من حلم العودة للماضي

    بالتويق على كل حال

    ردحذف
  10. fOsDö2ä23/11/09 11:44 م

    ahmedmisry ...
    ربنا يكرمك يا فندم ... :)
    كلمات فـ الجون زي مـ بيقولوا ...
    دعوات حضرتك ...

    سعيدة بمرورك ... :)
    منور لأول مره ... (f)

    ردحذف
  11. mero fci12/1/11 12:06 ص

    ههههههههههههههههههههه
    طبعا انتى عارفه مدى الشوق اللى جوايا انى اتمرجح
    بس للاسف العبايه بتبقى طويله يافسدقه
    ههههههههههههههههههههههههه
    كفايه علينا اووووووووووووووى ان الايام بتمرجحنا
    بالنسبه لى دى اقوى مرجيحه
    هههههههههه
    نايس ياتوته
    سلام يابطوطه

    ردحذف
  12. fOsDö2ä12/1/11 12:24 ص

    mero fci ...
    ههههههههههههههههههههههههه
    حلوة الأيام بـ تمرجحنا دي عجبتني ... ;)
    سيبك انتِ أنا اتمرجحت من قريب على فكره ... D:
    و بـ العباية كمان ... D:
    بس الدنيا كاانت فاضية الحمد لله يعني ... D:
    عقبالك كده ... P:

    منورااااني يا ميروووو ... (f)

    ردحذف

شكراً لو علقت .. و لو معلقتش برضو ... !! D:

الاشتراك في: تعليقات الرسالة (Atom)