السلام عليكم و رحمة الله و بركاته أنا جييييت تاااني عشان أزهقكو ... !! D:
وحشني البلوج جداً .. و الناس اللي هنا وحشوني ... :)
جايبالكم حبة أحداث على حبة رسايل سريعة ...
أول خبر .. إني خلصت استمحانات مش عارفه من كام يوم كده ... !!
تاني خبر .. إن بعد 3 أيام أجازه بحالهم ...
رجعنا للكلية اللذيذه دي مش عارفه من كام يوم برضو ... !!
عشان البتاع بتاع كل سنة .. اللي بيقولوا عليه سامر تريننج ... !! :((
- أو في قول آخر .. تدريب صيفي -
تالت خبر .. إن البتاع الذي سبق ذكره ...
تم الإنتهاء منه بحمد الله .. بس باقي البروجيكت ... !!
- أو في قول آخر .. المشرووووع -
رابع خبر .. إن تقريباً أنا ممنوعه من الأجازات ... !!
فيه بتاع تبع الايتيدا و الآي تي جيت و شركة الإتصالات إياها ...
المفروض بدأ .. بس البداية الأساسيه يوم الاتنين ...
و لمدة اتنين شهر بلا فخر ... !!
يعني .. ياعيني عليك يا فخري ... !! :((
دي مـ تعتبرش أخباااااار ...
عشان أنا مـ جيبتش حاجه جديدة أصلاً من عندي ... !! D:
نبدأ بقى ع السريييييييييييع كده ...
---
... حبة أحدااااااث ...
عايزه أبدأ بـ حبة أحداث حديثه حدثت في شهر العظماء ... !! D:
- اللي هو مااايو .. و العظماء اللي هما إحنا P: -
يوم 4-5 : يوم ميلاد بابا حبيبي ربنا يخليهولنا و هو مستحمل عيال مجانين زيّـنا ... :)
يوم 9-5 : يوم تاريخي و هو أول يوم ميلاد لبنوتتنا الصغننه .. ندى
- بنت أختي رضوى ... ربنا يخليهم لينا كلنا -
و من هنا .. هذا أول تاريخ فـ البشرية لكي أكون خاله مجنونة معقده حالتها صعبه ... !! D:
- ربنا يكون فـ عونك يا نوودي من خالتو أنا -
يوم 12-5 : يوم ميلاد ماما حبيبتي ربنا يخليهالنا و يصبرها على بلاوينا ... :)
يوم 28-5 : يوم ميلاد خالتو فدوى .. اللي هي أنا برضو ... !! D:
و الصدمة الكبيره إن رضوى - التي سبق ذكرها - كانت بتقولي عجزتي و السنه الجايه هتكملي 20 !!
- بصراحه مـ أخبيش عليكم .. أتخضيت و إتصدمت ...
أصل مـ كانش فـ بالي :( -
كفايه عليكم إحنا بقى .. عشان مـ تزهقوش ... D:
---
... حبة رسايل سريعة ...
مبدئياً كده .. كل واحد يدور على أول حرفين من أسمه ...
يمكن يكون من نصيبه رسالة ... D:
و أنا غير مسؤوله عن أي رسالة تيجي أوووت ... D:
و الأكيد المؤكد إن في ناس هـ تتنسي فـ النص كتييير ...
بس مـ حدش يقلق .. قلبي شايل كتير قوي ...
لكن الذاكره و الزهايمر إنتوا عارفين بقى ...
اللي هنساهم يسامحوني بقى ... :(
و أوووول رسالة ... لازم تكووون أوول رسالة فعلاً ...
1- م. ح. :
وقوفك جنبي أيام الإمتحانات جميل عمري مـ هنساه ...
و ربنا يعلم إني بحبك فـ الله قد إيه ...
يمكن خليتي عندي أمل فـ حاجات كتير ...
و أكبر أمل .. إن يكون ليّا صديقة بجد ...
أكتر حاجه خايفاها .. إنك تبعدي عن هنا ...
بس بدعيلك ربنا يعملك اللي فيه الخير .. و يسعدك و يوفقك فـ حياتك كلها ...
2- ر. ض. :
لولا إنك إتصلتي و لحقتي نفسك .. رسالتك كانت هـ تكون ...
مـ كنش العشم D:
عارفه والله إني مقصرّه زيكم بالظبط .. و أحياناً بيكون ماليش حق أزعل ...
بس فعلاً ربنا يعلم في أيام كنت محتاجه حتى و لو سؤال بس ... !!
و بعدين يعني أبعتلك مسج أقولك كل سنة و انتِ طيبة .. بس أنا زعلانه ... !!
و مش تردي ... ؟؟!! و تقوليلي إمتحانات و ظروف ؟؟!!
لن أنسى لكِ هذا الموكف .. بس ع العموم عفونا عنك ... !! D:
3- ر. م. :
عارفه إني مقصرّه برضو جداً ...
بس معجزه إني شوفتك أخيراً و مرتين كماان ... !!
حاسه إننا كنا زي المجانين بالظبط ... !!
بس عادي إحنا لثه أتفال ... !! D:
أينعم كانت حاجه ع السريع .. بس مـ حدش طايل طبعاً ...
عارفه لو متجمعناش فـ شبه الأجازة دي .. هعمل خناقه بس هه ... !! D:
4- م. م. ج. ا. :
4 حروف عشان آخر 3 حروف اسم مركب ... !! D:
بحسك شبههي فـ حاجات كتير قوي .. و قريبه مني ...
و افتقدتك السنه دي عن اللي قبلها ...
بتمنى ربنا يوفقك و يخرجك مـ اللي انتِ فيه ...
بس صدقيني .. كلنا لها يعني ... !! D:
محدش طايل ... !! D:
هاتي اللي مدايقك .. مش هـ أقولك لأ ... !! D:
5- س. أ. ب. :
3 حروف برضو .. أعمل ايه يعني ... ؟؟!! D:
متهيألي كده موقف مش هنساه أبداً يوم النتيجة المبشره بتاع الفيزياء ... :(
رغم القرف و الصدمه اللي كنت فيها ...
بس بجد لحظة لما جيتي جنبي و حضنتيني كانت أحلى لحظه ...
لحظتها بجد ندمت قوي إني مشيت مـ الجروب اللي انتِ فيه ... :(
كنت حاسه إننا هـ نرجع زي الأول و أحسن .. و يمكن حصل فعلاً ...
مـ أخبيش عليكي الموضوع إياه .. لخبط الدنيا حبتين ... D:
و أكتر حاجه مدايقاني .. إنك محاولتيش تعرفي تفاصيل أصلاً ... :(
لـ حد دلوقتي بـ أحس بـ حاجه غريبه جداً لما تبصيلي ... !!
تفتكري ايه السر ؟؟؟ D:
6- RAHBA ( بـ إستثناء آخر A ) :
الرسالة دي ليكم كلكم ... !!
بقول دايماً و لسه قايله الكلام ده من قريب ...
أكتر حاجه مزعلاني البتاع إياه اللي كنا مع بعض فيه ... !!
عارفين بيجي فـ بالي ايه ؟؟؟!!
البعض نحبهم و لكن بيننا و بين أنفسنا فقط .. !!
فـ هم في البعد أحلى و هم في البعد أرقى ... D:
هي تقريباً كانت كده ... D:
لإني بجد بحبكم جداً ...
و حسيت إن البتاع ده عمل فجوه و عك الدنيا خاالص ... !!
بس ده ميمنعش إني بحبكم برضو ... !! :)
بس ده ميمنعش إني بحبكم برضو ... !! :)
7- ش. مـ. :
حاسه إني عايزه أقول أي حاجه ...
هـ أقولك .. مش عارفالك حاجه ... !! D:
بس كده ... !!
8- لـ. عـ.ا. :
عايزه أبعتلك رسالة .. بس مش عارفه هـ أقولك فيها ايه ؟؟!!
ممكن أقولك .. بحب طفولتك قوي ... ؟؟ :$
9- نـ. سـ. :
مش عارفه مختفيه فين كده ... ؟؟!!
عايزه أشوفك انتِ و كل البنات .. عايزه أسترجع أيام زمان ...
فاكره عهد الأصدقاء ... ؟؟!!
ههههههههههههههههههههههههههههههه
كانت أيام سكر بجد ...
10- نـ. نـ. :
مستنيه الرقم 10 يجي .. حاساه مميز ... D:
مفتقداكِ جداً بقالي فتره ...
بس مش برضى أرخم عشان هي مش ناقصاني أنا عارفه ... !! D:
عايزه أرخم من زمان و اتصل بيكي .. بس متردده ...
مسيري هعملها إن شاء الله ... !! D:
ربنا يفك عنك كل الكروب و يزيح عنك الهم ...
و يارب أفضل بنوتك حبيبتك دايماً زي مـ بتقولي ... :$
11- ر. هـ. :
أيام المشرووع .. بصراحه يعني زعلت منك جامد ...
بس فـ العادي انتِ سكر طبعاً طبعاً ... !! D:
و من هنا فرصه بالمره أقولك هابي بيرث داي ... !! D:
12- أ. شـ. :
ممكن أقولك بحب وشك الطفولي جداً ولا هـ تعترضي ؟؟؟ D:
حاساكي مختلفه .. تفتكري ليه ؟؟؟
أنا نفسي مش عارفه ... !! D:
13- هـ. سـ. :
بحب تصرفاتك اللي بتدل أنك بيبي ... D:
بتبقي زي السكر برضو ...
14- بـ. حـ. :
هدوووءك و نظرتك و انتِ بتمثلي إنك مقموصه سكر برضو ...
---
مش عارفه أنا ايه السكر اللي عماله أتكلم عليه ... ؟؟!!
أنا كده هـ اخاف مـ النمل ... !! D:
---
15- ز. سـ. :
هو مينفعش يعني ترجعي تفتحي زي الأول و نشوف بعض زي زمان ؟؟؟!!
إلا انتِ روحتي فين بجد ؟؟؟
ولا مسنجر ولا أي حاجه كده ليه ؟؟؟
16- آ. حـ. :
رغم كل اللي حصل .. و اللي أعتقد صعب أنساه قوي ...
إلا إني لسه شايفاكي طفلة بريئه جداً ... !!
مش عارفه ايه السر برضو ... !!
مش هـ أقول غير ربنا يسامحك بجد ...
17- لـ. عـ. :
فينك يا بنتي كده ؟؟؟
مفيش ماسنجر خالص ولا موبايل و لا أي حاجه ؟؟؟
قابلت إيمان و قلتلها ياريت مقابلة النادي تتكرر تاني ... :)
18- مـ. مـ. :
امتى بقى هـ تعقلي شويه ... ؟؟!! P:
19- أمـــــــ amal ـــــــــل :
وحشاني جداً جداً جداً ...
و زعلانه كماااااااان عشان جيبتي بيبيي من غير مـ تقوليلي ... !! :$
انتِ جيبتي ايه ... ؟؟!!
مـ تهيألي محمد ... ؟؟!!
فاكره إني شوفت حاجه زي كده ...
نفسي أكلمك تاني عشان وحشاني ... :$
و صاحبك عباس - :( - كمان مفتقدك قوي ... !! D:
20 - مـ. ا. :
عمري مـ هنسى أبداً اللي حصل ...
رغم إني مش مقتنعه بـ أي حاجه مـ اللي سمعتها ...
و رغم إني شاكّه جداً فـ الموضوع ده ... !!
و حتى لو الكلام ده صح ...
مش هـ أقدر أقول مسامحه أو لأ ... !!
ربنا يسامحك بقى ...
---
... تم بحمد الله ...
بعتذر لأي رسالة تيجي أوووت ...
أو أي رسالة تزعل حد ....
أو أي حد نسيته ...
حد شايل مني حاجه بقى ... ؟؟!! :(
أنا مش عايزه أطول عليكم بقى أكتر من كده ... !! D:
سنعووود بعد قليييل ... !! D:
!! ... و دمتم سالكين ... !!
