الناس كلها بـ تتغير .. طبيعي
و أنا أكيد بـ أتغير .. برضو طبيعي
الناس و أنا بـ نتغير للأحسن و لـ الأسوأ فـ حاجات .. أكيد ده الطبيعي
اللي مش طبيعي .. إني أدايق و أحس إني عايزه آخد جنب فجأة
و بـ حجة إني حاسه إن بعض الناس القريبين بـ يتغيروا بشكل ملحوظ للأسوأ
يمكن فعلاً بجد ده من ضمن الأسباب الرئيسية لـ الإحساس ده ...
ساعات الواحد مهما لقى اللي قدامه بـ يتغير ...
إلا إن توقعه بـ يوقف عند حد معين .....................
توقعي وقف عند حد معين .. مـ قدرتش أتوقع اسوأ منه
و الأسوأ حصل للأسف !!!!!!
بـ أحاول ألاقي عذر للي بيحصل .. و بـ أضحك على نفسي و أقول عديها
بس الموضوع أفوّر زيادة .. لدرجة إني حاسه مش هـ أقدر حتى أعاتب !!
- و ده عكس الكلام اللي بـ يقول إن اللي باقى على حد يعاتبه -
و ماشاء الله اللي بـ أتصدم فيهم بـ يزيدوا و يظهر بـ يتفقوا مع بعض !!
- مع إنهم مـ يعرفوش بعض أصلاً -
حتى أنا نفسي حاسه إن مقدرتي لـ إني أعدّي بـ تقل كل يوم عن اللي قبله !!
سبحان الله كل الواحد مـ نفسيتة تبدأ تتظبط .. لازم تبوظ من ناحية تانيه
مرّه دراسة و حاجات مطلوبه مـ بتخلصش
مرّه مشاريع لسه مـ بدأناش فيها
مرّه و اتنين كسل و ملل و كل واحد فـ عالم لوحده
مرّه و اتنين خناقات و مشاكل من غير أي لازمه
و مرّه و اتنين و تلاته صدمة و صدمة و صدمة فـ الناس !!
- مع اختلاف الناس .. قرايب ، صحاب ، أي حاجه -
حاسّه الناس بـ تقل بالتدريج جوايا ... !!
واللي باقي منهم مش موجودين معايا على طول .. و ده الطبيعي
هو الغلط فين بالظبط ؟؟؟؟
... مش عارفه فعلاً ...
و الحل ممكن يكون ايه
؟؟؟؟
... الله أعلى و أعلم ...
بس حقيقي آخر اللي حاصل مخليني عايزه أقول ...
!! ... أنا بجد مصدومة ... !!
There'll be a time when u meet some 1 who will remove this feeling.....
ردحذفSome times we meet people we need in the wrong time and we lose them, when we do that we regret that we didn't take that chance and tell them all we need,don't be shocked, living without people is the best thing u need....
Just a LonELy oNE ...
ردحذفالموضوع مش فـ الإطار ده بس ...
الصدمات ممكن تكون مختلفة و متفاوته ...
بس مش هـ تفرق كتير برضو .. لإن النهاية واحده ... !! :(
و الدنيا ضلمة آه ...
بس مش ضلمة أوي كده يعني ... !!
ساعات البعد عن الناس بـ يريّح فعلاً .....
لكن أكيد مش هو ده الحل النهائي ... !!
لإن ببساطة لو فكرت فـ الناس الحلوة ...
أكيد مش هـ أقدر أستغنى عنهم ...
- بعيداً عن تفكير إنهم ممكن يبقوا وحشين يعني -
بس ده مـ يمنعش إني مازلت محتاجه آخد أجازة من الناس و لو لـ فتره ...
أكيد لسه في أمل .........
ربنا يستر من كل اللي جاي و الواحد مـ يتعقدش أكتر ... :(
منور/ه ... (f)
what ever it was u need to be alone for a while .. just to feel peace with ur self
ردحذفnotice:
"crying may make u feel good, but u've 2 look around and make sure that u don't make any thing else cry."
by the way, it's "منور"
ردحذفJust a LonELy oNE ...
ردحذفالمشكله دلوقتي إن إزاي الواحد يكون ألووون .. و ألووون بالمعنى الكامل ...
- الغالب إن الواحد حاسس انه ألووون حتى لو حواليه ناس -
بس إنك تبقى عايز تكون ألووون .. و الناس واخده بالها إن ده مش الطبيعي بتاعك ...
يبقى الواحد صعب يبقى ألووون لإن كل مـ حد يقابله .. يقابله بـ كومة اسئلة و الواحد أصلاً معندوش قدره يرد عليها ... !!
أما المشكلة التانيه بقى .. دي مشكله لوحدها ...
لما أحس إن الناس اللي مزعليني ممكن يكونوا محتاجين حد جنبهم .. و أنا مقصره معاهم أو حتى بـ أحاول أتعامل اني عادي و أحاول أساعدهم .. و هما حاسين إن ده مش العادي بتاعي .. يبقى مش هـ اعرف أساعدهم أكيد ... !!
و ع العكس بـ احس انهم بيحسسوني إني غلطانه .. مـ اعرفش إزاي مع إني حتى مـ اتكلمتش ولا عاتبت لسه .. مفيش فرصة أصلاً و مش عارفه ابدأ اعاتب ازاي ... !!
زي مـ يكون الطبيعي إني لازم أتعامل معاهم زي مـ متعودين .. و مش من حقي أزعل ... !!
مش عارفه بجد .. الواحد اتخنق أكتر و مش عارف يعمل ايه عشان يرضي غيره و يرضي نفسه فـ نفس الوقت ... !!
كومنت ع النوتس ...
هههههههههههههههههههه
الغريب فـ الموضوع إن الواحد لما بيكون مش عايز يعيط .. بـ يعيط غصب عنه .. و لما يكون محتاااج يعيط مـ بيعرفش !!
و قليلين اللي بيعيطوا على حد أصلاً من قلبهم ... D:
و بعدين هما الناس ناقصين نكد أصلاً ...
مـ بقيتش أي حاجه تفرق ...
ربنا يستر و ييسر الأمور بقى ....... :-<
منور للمره التانيه .. و شكراً ع الإهتمام ... (f)
Burned Notes ...
ردحذفهههههههههههههههههه
منور ... D:
و نأسف للرغي اللي فوق ...
و نأسف لو كان كلام مش مفهوم ...
و أخيراً .. مبروك ع المدونة ... :)
urw
ردحذفJust a LonELy oNE ...
ردحذفثااانكس ... :)