ليس فصل الألماسة عن الخاتم بـ شئ صعب ...لكن الصعب هو ...
فصل المشاعر عن الحياة ... !!!!!!!!!
***
رُبما المشاعر هي الألماسة الثمينة ... !!
و الحياة هي مجرد خاتم أحمق ... !!
الغريب في الأمر ......
إنني أريد فصل تلك الألماسة و التخلص منها و تحطيمها ... !!
لكن يبقى السؤال قائماً ...
كيف يمكن تحطيم الألماس رغم صلابته ... ؟؟!!
رُبما أجيب نفسي ... !!
قرأت تلك المعلومة التي لا أدري مدى صحتها في الواقع ...
لكنها رُبما تحتوي الإجابة ... ؟؟!!
بالرغم من أن الألماس يحظى بأعلى مرتبة على مقياس قوة الصلابة للأحجار الكريمة ، إلا أن الألماس يمكن أن يتعرض للكسر إذا لم يتعامل معه بحذر وعناية.
حذر .. عناية ... ؟؟!!
***
سأنهي هذه التدوينة المُملة الحمقاء ...
بـ ذلك الكلام - الأحمق أيضاً - الذي كتبته يوماً ما ... !!
حتى أقرب الناس يبيعوك
مهمـــــا كانوا بـ يحبــوك
أو حتـــــى بـ يكرهـــــوك
و بـ جزمتــهم يدوســوك
***
رُبما ذلك الكلام الأحمق ليس مُبَرراً بتلك القسوة ...
لكني بـ صدق أشعر بعدم حاجتي لـ تلك الألماسة اللعينة ... !!
رُبما سأعيش أفضل .. و نهايتي ستكون أفضل ؟؟!!
إذا تخليت عن قناعتي بـ مصداقية ذلك البيت الذي أحبه ...
أيقظ شعورك بالمحبةِ إن غفا
لولا شعور الناس كانوا كالدمى
- للشاعر: إيليا أبو ماضي ، بعنوان: كن بلسماً -
***
هل سينتهي بي المطاف كـ دُمية لعينة حمقاء ... ؟؟!!
لا أحب تلك النهاية ... !!
و لا أحب العيش بهذه الألماسة أيضاً ... !!
لا أعرف كيفية فصل الأشياء عن بعضها و تحديد الأولويات ... !!
إذن .........................................
"رجعت للصفر من مكان مـ بدأت"
السلام عليكم ورحمة الله وبركاته
ردحذف"المملة الحمقاء"
"الكلام الأحمق"
"دمية لعينة حمقاء"
من أنتــم!.. من أنتــم!
ايه الصراع الداخلي العنيف ده !!
هو أشبه بالصراع بين
الثوار - وهي الألماسة - وقوات القذافي وهي الدمي.
إذا كنتي تريدين أن يؤول الأمر بك إلي أن تصبحي قوات القذافي فاتركي كل ماهو جميل ما ميزيك عن الدمي - تلك الألماسة - ,حاربيها ,انبذيها,اعتبريها شيئاً يعير به, شيئا يجلب الألم شيئاً ثانوياً ليس به روح شيئاًيجلب الحظ السئ شيئاًمنبوذاً وفقط !!!!
ولكن كيف هي الحياة بعد هذه الحرب إن خسرتي تلك الألماسة!!
فقط إجعلي الألماسة الشيء الوحيد الذي تفصلي به الحقيقة من شوائب الأكاذيب والألاعيب والمظاهر الخداعة.
لا تخافي الألماسة فــ
رب أمر تتقيه *** جر أمرا ترتجـيه
خفي المحبوب منه *** وبدا المكروه فيه.
كيف لإنسان أن يستغني عن المشاعر وهي أصدق شيء في هذا الزمان المليء بالأكاذيب!!!
وأنت طبيبة نفسك:-
.أيقظ شعورك بالمحبةإن غفا*** لولا شعور الناس كانوا كالدمى
نصرٌ موفق -بدون خسائر- بإذن الله
سلام عليكم.
مش عارفه ارد عليكى اقولك ايه
ردحذفبس كلام حلو
وشعور عالى اوى مع انه حزين
بس برده الحياه حلوه تستاهل انك تخلى الالماسه مكانها
ونفسك حلوه تستاهل انك تحبيها وتستحملى شويه عشانها
يافسدقه توهى عشان تعرفى تستمرى
ربنا يفرج كربك وييسر امرك ياقلبى
ونايس توبيك على فكره
سلام يااحلى فوسدقايه
وزى ما قولتلك انتى صديقه صدوقه صادقه الوعد منصفه
سلام ياقلبى
السلام عليكم
ردحذفازيك يافسدقه ؟
بصى انا المره دى مش هعلق ع التوبيك لسببين
السبب التانى بقى اننا مااتفقناش على كده
المفروض كان فى مشروع تفاؤل وأمل وحجات حلوه كده قلنا عليها
انا عن نفسى ملتزمه بالاتفاق والمود اخر تمام الحمد لله ... محدش يحسد بقى
فين بقى ده كله ؟؟
انا سحلانه منك وبردو كده ماعلقتش اصلا :(:(
بس على فكره كده تحت المايناس كمان مش بس الصفر
سلام
$$ ThE UnKnOwN $$ ...
ردحذفو عليكم السلام و رحمة الله و بركاته
ههههههههههههههههههههههه
نسيت تكتب ...
من انتم ايها الجرذان ... =))
هو من ناحية عنيف فـ هو عنيف عشان الواحد مش متعود ع الاسلوب ده فـ التعامل ... :(
و فـ نفس الوقت مش متعود يتصدم فـ الناس القريبه ... :-<
الموضوع فعلاً مش سهل خالص و المشكلة إني عارفه كده بس يمكن كان نفسي أحاول عشان الواحد تعب ... !!
لا و ماشاء الله كل الحاجات الوحشة اللي حصلت من الناس القريبه - بـ إختلافهم - و خلاص عدِت كلها بترجع فـ الذاكرة تاني و القلب الاسود يبان بقى ... D:
فـ الواحد بـ يوصل لـ الإحساس الرائع ده و التفكير العبقري جداً ده ... !!
أكيد مش حابّه أبقى قوات القذافي أبداً .. بس ساعات بـ يجيلي إحساس إن هو ده المطلوب حالياً ... !!
من منطلق اعتبر كل الناس مش كويسه إلى أن يثبت العكس !!
- عارفه إن التفكير ده غلط طبعاً !! -
أمنيتي أعرف أفصل بين حاجات كتير جداً بـ تأثر على بعض مع إن المفروض ده مش يحصل !!
و فـ نفس الوقت مش لازم تكون الألماسة الحاجه اللي بتفصل بين الحقيقة و الشوائب ...
لإن - حالياً - الحقيقة معروف إنها كويسة ...
و التبريرات لـ الشوائب موجوده ...
بس مش عارفه أستوعب أنا الحكاية دي .. !! D:
عشان حسن ظني فـ الناس القريبة فووق أي حاجه !!
ربنا ييسر الأمور و يهديني بقى ...
و النصر جاي بس بعد شوية وقت يمكن !!
- و يمكن لأ .. مين عارف -
نأسف ع الإطالة ... :-<
منور يا فندم كالعاده ... (f)
mero-fci ...
ردحذفربنا يكرمك يا ميرو ...
دايماً رافعه معنوياتي كده ... D:
آه الحياة بقى لونها بمبي ... !! :))
نفسي أعرف أتوّه بسهوله والله ... :(
المشكله بجد إن الواحد مش بيعرف يعدّي بسهولة للناس اللي عشمه فيهم كبير ...
إنما أي حد تاني عادي مفيش مشاكل مش فارقه أوي ... !!
زي مـ قلت الموضوع عايز شوية وقت يمكن ...
و ع النقيض ...
عندي إحساس إن مش من حقي آخد وقت لإني المفروض عندي ثقة فـ الناس اللي بحبهم و مبرراتهم وضحت ... !!
مش عارفه أفصل بجد و حاسه إني أنا كده اللي وحشة و قلبي أسود ...
بس الحكاية مش زرار يتداس عليه و خلاص ...
المشكلة اللي يمكن مدايقاني جداً إني اتكلمت يمكن لـ أول مرّه بطريقة جامده ... !!
بس أنا مقدرتي على إني أطبطب و أنا مش مهمه أوي .. بجد بـ تقل ...
لو فضلت خايفه على مشاعر الناس و ناسياني و بـ أتوّه زي مـ بتقولي ....
يبقى أنا اللي هـ أضيع فـ النص ... !!
و الواحد ضايع أساساً فـ مش طالبه خالص بجد !!
أنا لازم أعمل إعتبار لـ مشاعر الناس ...
طب و هما ؟؟!!
مش بيحاولوا يعملوا إعتبار أو يفكروا بدل المره اتنين مش تلاته حتى ... !!
انتِ حضرتي شوية من الزعيق و الخناق و الحمدلله ... :))
بس الغباء بقى إني قلبت على كله و دخلت كله فـ كله و ماشاء الله يعني ... !! D:
عايزه دكتور نفساوي بقى .. ألاقيش حد عندك ... D:
أي خدمة .. رغيت أهو .. مـ الاقيش إعتراض بقى ... P:
يارب يفرج كروب الممسلمين جميعاً ... :)
و يارب أبقى ربع اللي بتتكلمي عنها دي ... !!
منورة يا ميرو ... (f)
dokdok ...
ردحذفو عليكم السلام و رحمة الله وبركاته
مين اللي قال ع التفاؤل ده ... ؟؟!! :-o
انتِ بـ تتكلمي عني متأكده ... ؟؟!! D:
يارب المود يفضل تمام التمام على طول إن شاء الله ... ;)
هو يمكن كان تحت الماينس زي مـ بتقولي ... :-<
بس حالياً يمكن وصل للصفر ... !! :))
لا الحمد لله في تحسن ...
كُتر التعامل بـ ينسى إلى حد ما .. حتى لو لفتره بسيطة ... :-<
ألا مـ قولتليش إيه السبب الأولاني بقى ... ؟؟!! P:
منورة يا دقدقة ... (f)
فدوتي ... صديقتي الصدوفه
ردحذفبصي يا بنتي انا ساعات كتير بفكر زيك كده... بس برجع اقول هذه هيا الحياه هنعمل اييييييه؟
حتي لو يوم حلو وعشره لا لازم نقول الحمد لله
حتي لووووو اتنرفزت واتعصب وكسرت وخربت وبهدلت... برضو الحمد لله
بصي متحاوليش تفكري كتير لانك لو فكرتي كتير هتحسي انك عايزه تعيشي لوحدك
وده طبعا مينفعششششش
واخر كلامي... مش ناويه تخليني اشوفك قريب بقي :D
yomna ...
ردحذفالحمد لله طبعاً مفيش إعتراض ...
بالعكس اللي بيحصل إن شاء الله هـ أستفيد منه ...
- بس قولي يارب D: -
بس أنا عايزة إجابة بالراحة للسؤال اللي بالراحة بقى ... D:
ايه المشكلة يعني الواحد يعيش مع نفسه ؟؟!! D:
دماااااااغ و آخر روقااااااان :))
منورة يا يويتي ... (f)
ربنا يعلم الدنيا عامله إزاي ... :-<
و سيادتك عارفه إنك لازم ترخمي عليّا عشان أنزل ... D:
هـ أفضل أقول كل مره بقى ؟؟؟ :))
آه صحيح .. ليّا عندك شهادة لو سمحتي .. مـ تناميش عليها ... P:
عودٌ أحمدووووو ... D:
أما أفوق إحتمال أعدّي ع المدونة المهجورة بتاعتك ... D:
قولي يارب بس ... :))
خلي بالك منها كويس لـ أحد مـ أزورك ... D:
السلام عليكم/
ردحذفإن كانت الحياه هى خواتمنا
و عواطفنا الماساتنا الثمينه "و هى حقاً كذلك"
فالناس فى الامر صِنفان
الاول : يبحث عن خاتم يناسب جوهرته الثمينه
الثانى : صانعٌ .. يعلم كيف يصوغ خاتماً يناسب دُرته او على الاقل يعرف كيف يُعدل خاتماً وجده
.-.-.-.-.
ربما يمر الجميع بمرحله البحث عن خاتم جاهز يُفرض عليه
و هو لا يعرف هل فعلاً الخاتم يناسبه ام الصفقه محض وهم و خيال
و ربما يحاول البعض -عبثاً- ان يُعَدِل من جوهرته المصقوله كي تُناسب الخاتم!
هذا هو حالنا عندما نترك الامور بكاملها للظروف او نهب جواهرنا لمن لا يَصُنها او يعرف قدرها
نُعدل عواطفنا من اجل .. لا شئ
و هو امر يجب ان نندم عليه كى لا نكرر الوقوع فيه
و كى انهى الرد
الحل اليسير البسيط
علينا ان نصنع نحن حياتنا و ان نصنع خياراتنا بهدوء و تركيز شديد
حتى لا نندم مره اخرى
و ان نعرف ان الماساتنا تستحق من يعرف قدرها ... لا ان نحاول نحن تعديلها لتناسب انواعاً رخيصه من الخواتم
تحيتى ,,,
محمد
MESEE ...
ردحذفو عليكم السلام و رحمة الله و بركاته
عجبني التحليل ده أولاً ...
ثانياً:الواحد ساعات فعلاً بـ يتعوّد على اسلوب معيّن مع كل الناس .. أو حتى الناس الي بـ يعتبرهم قريبين ...
ممكن بـ مرور الوقت ينسى حاجات كتير مهمة و لما يلاقي موقف غير متوقع بيتصدم ...
و ده فعلاً الطبيعي .. عشان هو أقلِم نفسه و أقلِم الناس على اسلوب معيّن و مـ فكّرش حتى يراجع نفسه كل فتره و يشوف هو مرتاح ولا لأ ... !!
يمكن الحل بتاعك مظبوط إلى حد ما ...
بس مش شايفاه صراحة يسير و بسيط ... !! D:
لإني بـ أحس إن وجود الألماسة - بالنسبالي - فـ حد ذاته مشكلة ... !!
يمكن هي نفس المشكلة اللي بـ أتكلم عليها و هي تحديد الأولويااات ... !!
ألماستي - اللي اتعودّت عليها - بـ تقولي "حافظي على الـ ألماسات التانيه بغض النظر عن أي حاجه !!"
- و هنا تكمن المشكلة!! -
الألماسة محتاجة صقل من أول و جديد تقريباً ... !! :-<
بالمناسبة: محاولة التخلّي عن الألماسة باءت بالفشل كما هو متوقع ... D:
مش عشان فشلت زي مـ كنت متوقعه .. بس عشان صدمت نفسي و بابا - فـ تصرف معيّن - فيّا ... !! :((
ربنا ييسر الأمور و يهدّي الأحوال ... :-<
"اللهم أرنا الحق حقاً و ارزقنا إتباعه و أرنا الباطل باطلاً و ارزقنا إجتنابه"
منور يا فندم ... (f)
( ايموشن ساكت و جاى متأخر أوى :(( )
ردحذفمش عارفة أقول ايه بس أنا موافقة على كل الكلام اللى قالته دقدق :d
بس كدة ;;)
Hanno ...
ردحذفهههههههههههههههههههههه
هو ده اللي ربنا قدرّك عليه ؟؟؟!!!
و بتقولي جااااي متأخر ؟؟؟!!!
طيب ماشي ... أقولك ايييييه ؟؟!!
مش هـ أرد عليكِ بس بقى هه ... >:p
و مش منورة كمان ... >:p
:-< :"> :* (f)
إمشي من هنا بقى ... P: