خوفاً من استكمال شعور الفقد (فقدي لـ نفسي) الذى تحدثت عنه سابقاً ...
بعض الكلمات الغير مرتبه .. أرجوا إحتمالها ... !!
***
أنا و ربنا مش عايزه أدايق أو أزعل أي حد ...
بس فعلاً بجد الدنيا مش مستحمله أي حاجه خااالص ...
غير كده أنا مختلفة عن الناس .. مش كِبر خاالص بس واقع !!
ممكن الناس تتخيل إنك عادي يعني زي ناس كتير ...
و - الناس - تكتشف انك حد مكلكع فـ نظر بعضهم !!
كمان .. في حاجات ممكن تدايق الواحد من شخصية معينة ...
خصوصاً لما تلاقي الشخصية دي بتتكلم عليك من وراك مع ناس كتير !!
و يا سلام بقى لو الناس دي المفروض الواحد مـ يتكلمش قدامهم !!
و يا سلااااااااااام كمان بقى لو انت قاعد فـ أمان الله ...
و إذ فجأتن اكتشفت إنك محور أساسي فـ الحوار بتاعهم !!
و الناس عماله تستهبل و تتريق عليك !!
- و الشخصية ساكته عادي و مفيش أي حاجة أساساً! -
ده اللي هو ايه ؟؟؟!! ياااه للدرجاادي يعني ؟؟؟!!
الواحد بقى محور تريقة و استخفاف ؟؟؟!! عادي كده يعني ؟؟؟!!
سبحان الله يااارب .. حاجه غريبه و مكئبة فعلاً !!!!! :-s
أعتقد مفيش حد يحب يسمع تريقة أو استخفاف على أي حد ...
و لا على نفسه - أكيد - و يفضل ساكت من غير مـ يوقفهم !!
و أعتقد الإحساس ده سئ جداااااااااااااااً ........
خصوصاً لما تحس إنك ممكن تكون سمحت للناس تتجرأ و تخليك محور تريقه!!
- مش آدره أحدد هل أنا سبب فعلاً؟ لو كنت سبب حتى لو بسيط يبقى استاهل! -
يمكن الجزء ده مش فـ وقته و عدى عليه كتير ...
بس مـ حبيتش أفضل ساكته على حاجه مدايقاني !!
غريبه الناااااس .. غريبه الدنياااااا
***
كل الهدف من البوست ...
مش عايزه أزعل أي حد خاالص أياً كان عشان أنا بـ اكره كده بجد ... :(
خصوصاً في حاجات معينة .. بـ يبقى إحساس أغبى حاجه يعني !!
و كمان مش عايزه حد يخليني فـ مكان مـ ينفعش أكون فيه أو ممكن مكاني يتغير فيما بعد !!
الصح باااين ... و الغلط برضو باااين ...
مش عايزه أسمح لـ حد يحطني فـ خانة الغلط دي ...
عشان برضو بـ تبقى حاجه غبيه جداً !!
و غبيه ليّا أكتر من أي حد ... !!!!!
عارفه إن الكلام ملخبط و مش عارفه ايه لازمته .. بس حبيت أقوله !!
***
هينت مهم جداً:
ألــــــــــــ مليـــــــــ مبروووووك ـــــــون ـــــــــــف
لكل الناس اللي اتخرجت :)
ربنا يسعدكم و يكرمكم و يحققلكم كل اللي بـ تتمنوه ... :)
و من هنا أحب أقولكم .. إني متأكده هـ أفقتدكم كلكم ...
يارب تفتكروني بـ كل خير .. و كمان بالدعاااء ...
دعواتكم بقى ربنا يسترها مع الباقي بـ إذن الله ...
فكرة ان الواحد مش يبقى لاقى نفسه ( حاجة صعبة أوى )
ردحذفو خصوصا أصلا ان الواحد ما بيصدق يلاقى أى معلومات عنها :(
نوت :
عجبتنى أوى فضفضاتك عن اللى خارج حدود الكراسة
أتمنى من جوه قلبينى انى أبقى جوه حدود الحدود بتاعة كراستك يا فزدق :d
Hanno ...
ردحذفصح يا نونو مظبوووط ...
إحساس سئ جداً بجد ... :(
حلوة حكاية إن الواحد مـ بيصدق يلاقي أي معلومات عنها دي !! :))
كلام واقعي .. من منطلق هم يضحك و هم يبكي !! :-s
كومنت ع النوت:
ههههههههههههههههههههههه
إبعدي عن موضوع "عجبتني أوي فضفضاتك" دي لو سمحتي D:
و قوليلي بس حدود الحدود دي فين و أنا أقولك على طول ... P:
انتِ عارفه يا نونو معزّتك عندي من غير مـ أقول يعني :)
منورة يا نونّتي ... (f)
يااااااااااااه يافسدقتى وحشتينى ووحشتنى فضفضتك
ردحذفيارب عقبالنا لما ننجح
وكبرى دماغك مع انى عارفه انك مش هتعرفى ولا انا هعرف
وكمان يارب يرحمنا من الدنيا دى ويطلعنا منها على خير
واتمنى بجد اكون قدرت ادخل حدود الكراسه بتاعتك ياقمورتى
دعواتك
سلام
عارفة انتى فين المشكلة
ردحذفالمشكلة مش فيكى
ولا ف تفكيرك المختلف
المشكلة فعلا اننا بنقابل ناش غلط بيقدرو يقنعونا انهم الناس الصح
لحد ما بيملو من التمثيل فبيظهرو على حقيقتهم بقى
وقتها لازم نضايق ونتخض
دا طبيعى
_ وصحى جدا على فكرة :d _
بس ماينفعش دا يوصلنا لأننا نلوم نفسنا أكتر من اللازم
او اننا نتوه منها
طوّلت أنا
بس أتمنى أقرالك حاجة فرحانة قريب إن شاء الله :*
mero-fci ...
ردحذفربنا يخليكِ يا ميرو ... :">
وحشك إكتئابي .. قولي كده ... :))
يااااااارب نطلع مـ الدنيا على خير فعلاً ... :-<
يا بنتي أنا كراستي فيها ناس كتييير ...
مش عارفه أنا الكراسة دي معلقين عليها ليه يعني ...
و عندي غيرها كراسات كتير برضو ... D:
ألــف مبروووك ع النتيجة .. و عقبال الامتياز السنة الجايه إن شاء الله ...
و بعدها الجواز على طول بقى عشان نرتاح منك ... D:
منورة يا ميروووو ... (f)
Dodda Lamada _ Dina Kamel_ ...
ردحذفكلامك صح يا دودّا ...
دي حالة من الحالات الكتير أعتقد ...
بس فـ الحالة اللي بتقولي عليها برضو المشكلة فينا .. عشان المفروض الواحد يكون مقتنع بالصح و مـ حدش يغيرله فكرته عنه بسهولة ...
بس هي دي النفس البشرية للأسف ... :(
حتة نلوم نفسنا دي جايه على مزاجي جداً بجد ...
أنا مـ النوع اللي ممكن ألوم نفسي كتير جداً على أي حاجه ...
و ساعات بـ يبقى من وجهة نظر أي حد تاني إني مـ ليش ذنب ... D:
حتة نتوه منها .. مش هـ اكومنت عليها ... !! :((
مش طوّلتي على فكره .. و مبسووطة إنك بتعدّي عليّا بجد ... :)
قووولي ياااااارب أكتب حاجه فرايحي ... :-<
و قولي يارب أكتب أي حاجه ليها أي لازمه زي عك زمان اللي حتى مش بقى بـ يجي ... :(
كنت لسه بـ اتكلم أنا و هنّو على الموضوع ده ...
و كنت بقولها البلوج بقى ممل و خنيق و ملوش أي لازمه اساساً ... :(
نفسي أقراالك حاجات كتير جديدة .. و برضو فرحانة كده زي بتاع زمان ... :)
منورة يا جميلة ... (f)
السلام عليكم ورحمة الله وبركاته
ردحذفأولاً: نقول مبروك لحضرتك وعقبال التخرج يارب.
ثانياً: موضوع الغيبة ده
المشكله فيه ان اللي بيغتاب مش هيبطل غيبة عاجلا او آجلا !!!
فأحسن شيء هو التجاهل وتكبير الدماغ :)
وعلي رأي الشيخ عائض القرني "إغتابني شكراً" وطبعاً الواحد داخل علي شهر كريم ومحتاج تكفير ذنوب.
وبالنسبة للشخصية والكلكعه اللي ممكن حد بشوفها فيها, فاعتقد ان رضا الناس غاية لا تدرك.
وأعتقد ما بقاش في وقت ان الواحد يبرر فيه موقفه او شخصيته!
لانه لو عمل كده مش هيخلص الا ان يلقي رب كريم.
والوقت الآن وقت عمل وإصلاح نفس مش تبرير.
ثالثا: مبروك ع البروفايل بتاع الجود ريدز
ما شاء الله فيه كتب كويسه جدا وما شاء الله شكل حضرتك نهامة -بيقرا كتير يعني- ده حتي حضرتك سبقتيني كمان - اللهم لا حسد - :)
بس اهم شيء يجب التحذير منه فخ الملل لانه ممكن يخلي حضرتك تبعدي عن القرايه لمده 3 اشهر متتاليه, ويمكن أكتر كمان :(.
فـ لمفاداة العقبة دي انصح حضرتك ما تبدأيش في كتاب إلا وحضرتك مجهزة كتاب آخر ممتع أو حضرتك متشوقه لقرايته بعد الكتاب اللي بتقريه حالياً, وما في يوم يعدي إلا وحضرتك تقري حتي ولو صفحة.
بس الويدجد اللي في المدونه مكانها تحت جدا ومش باينه انا شوفتها صدفه.
و متهيألي الويدجد بتاعت أقرا الأن شكلها يبقي بدل ما قرأته لان قرأته - ما شاء الله - بيكتر أهو وهياخد مساحه أكبر.
قراءة فعاله ومفيده وفي ميزان حسانتك ان شاء الله.
هينت بسيط: كتاب رمضان ثورة التغيير متهيألي الأنسب ليه شهر رمضان لانه مصمم لكده :)
رمضان كريم
سلام عليكم
$$ ThE UnKnOwN $$ ...
ردحذفو عليكم السلام و رحمة الله و بركاته
كومنت على أولاً:
الله يبارك فـ حضرتك .. و يااارب عقبال التخرج على خير ... :-<
و ألــف مبــروك لـ حضرتك .. و مبروك التخرج ... :)
كومنت على ثانياً:
مظبوط كلامك فعلاً ...
أنا مش بـ أبرر أكتر من إني حابّه أوصل بس إني مش عبيطة ... :))
- يمكن دي برضو حاجه مش هـ تفرق كتير .. بس لعل و عسى -
غير كده فـ الأساس كله دارج تحت الفضفضة كالعاده ... !!
و فعلاً "فـ ايقنت أني مهما أردت رضا الناس لابد من أن أذم"
ربنا يهدي الجميع و يهدينا معاهم ...
و يارب الواحد يصلّح من نفسه على أد مـ يقدر بقى ... :-<
كومنت على ثالثاً:
هههههههههههههههههههه
الله يبارك فـ حضرتك ... :)
مش لـ درجة نهااامة يعني ... !! D:
أنا زماااان مـ كنتش بـ أحب اقرأ خالص ... !!
بس بجد حااجه ممتعه جداً فعلاً ... :)
و بالنسبة لـ سبقت حضرتك .. أكيد طبعاً لأ ...
للأسف أغلب الكتب اللي قريتها مش زي حضرتك خالص ...
مفيش مجال للمقارنة يعني ... D:
حكاية الملل دي فعلاً صح جداً .. وقعت فيها كتير للأسف ... :(
بـ أحاول يبقى في كذا حاجه أدامي اقرأ منها .. عشان الملل فعلاً ...
ربنا ييسر بقى و الواحد مـ يملّش ...
الويدجد تحت فعلاً أوي .. كنت حاطه فـ حسابي إن في إحتمالات المدونة يحصلها تجديد .. ربنا ييسر ...
ملحوظة حضرتك فعلاً صح .. إن شاء الله سـ يتم التعديل ... :)
كومنت ع الهينت البسيط:
فعلاً صح .. أنا بدأت اقرأ فيه بس لقيته محتاج رمضان أكتر عشان كده وقفت و سيبته .. بس مـ عملتش تعديل ع الجود ريدز ... :(
يارب رمضان مبارك ع الجميع و غيييييير ...
دعوات حضرتك يا فندم ...
منور ... (f)
عادي بصي كل ميحصلك حاجه قولي عادي
ردحذفوتقبلي اي شيء وكوني علي يقين ان الله معك
مبروك النجاح ومن تفوق لتفوق
امضاء
61
غير معرف ...
ردحذفالواحد بـ يحاول يتقبّل و يتأقلم على أي حاجه متوقعة أو غير متوقعة !!
بس الموضوع مش بسهولة أكيد .. ربنا ييسر بقى ...
هو فعلاً صح أريّح حاجه إن الواحد يقول عادي و يكبّر دماغة D:
يارب بس يديني المقدرة إني أقولها على طول ...
الله يبارك فـ حضرتك .. الحمد لله ...
منور/ة يا 61 ... !! /:)
Thought I would comment and say neat theme, did you make it for yourself? It's really awesome!
ردحذفغير معرف ...
ردحذفThanks 4 ur opinion :)
It's blogspot theme, but I changed it as much I can :)
Welcome ... (f)