بـ اعتذر عن التأخير اللي حصل ...هـ نبدأ بـ أول خطوة إن شاء الله ...
و من رأيي إنها أول و أهم خطوه فـ كل الخطوات ...
***
!! ... الإقتناع ... !!
لازم أول حاجه نكون مقتنعين إننا عايزين نتفاءل ...
لإن مـ ينفعش نمشي فـ أي خطوه .. و جوّانا مش مقتنع ... !!
فيه ناس جوّاها مش مقتنع إنها عايزه تتغيّر ... !!
ناس عاجبها مود الإحباط و الاكتئاب ... !!
و ناس مش متخيله طعم التفاؤل من غير أقرب الناس ليهم ... !!
- و الواقع إن أقرب الناس ليهم مش معاهم .. لأي ظرف -
ناس مش قادره تاخد أي خطوة إيجابيه ...
- بسبب حاجه - أيَّاَ كانت - مأثرّه عليهم -
ناس .. و ناس ...
يعني أمثلة كتير قوي - للأسف - مـ تتعدِّش ... !!
و للأسف .. صعب إنها تتغير طالما مقتنعه بـ التفكير ده ... !!
***
كلنا أكيد عارفين ايه نقط ضعفنا ...
عشان كده لازم نحددهم .. و نقنع نفسنا اننا نـ قدر نتغلب عليهم ...
لازم نـ حاول و نقول لنفسنا لأ ... !!
كفايه .. لازم نـ تغيَّر ... !!
***
يـ ـتـ ـبـ ـع .. مع الخطوة التانيه بإذن الله ...
مستنيه تعليقاتكم .. كل واحد يجي يقولنا وصل لـ فين ... !!
مين قادر يقول لأ كفايه ... و مين مش قادر ... ؟؟!!
مين متفاءل ... و متفاءلي إني أتفاءل ... ؟؟!! :(
***
بعتذر تاني لإني فاقده جزء كبير من تركيزي ...
و حاسه إني عمّاله أرغي زياده عن اللزوم ... !!
و بعتذر لو كنتوا متوقعين إسلوب أحلى من كده و فكره أحلى ...
بعتذر عن كل حاجه ...
معلش سامحوني لو قصّرت معاكم ... :(
بص انا راي مختلف شويه يعني
ردحذفانا شايف ان الاكتئاب حاجه طبعا وحشه جدا وعمرها ما حصلتلي ولا هتحصلي ممهما يحصل
بس انا شايف ان الاحباط حاجه كويسه للوصول للنجاح
يعني لازم ديما متكنش راضي عن نفسك
وتقول لنفسك في احسن من كدا
عشان نقدر نوصل للي احنا عيزينه واكتر كمان
ومش لازم التفائل الذياده واقول لنفسي كدا انا كويس وماشي صح لاني كدا مش هوصل ابدا للي انا عايزه
يعني الخلاصه الاكتئاب حاجه سيئه جدا ولازم نتخلص منها لو موجوده ونعرف ان حيتنا كويسه دايما مهما كان فيها
وابقي راضي دايما عن حياتي
لكن التفائل الذياده حاجه وحشه جدا ومش لازم تكون عندنا
بس كدا
سلاااااااام
تقبلي مروري
سلاااااااااام
مقتنع
ردحذفمقتنع
مقتنع
مستنى الجديد
:D
لأ مش ممكن كل ما اجي ارد النت يقطع ايه النحس ده ام هند يعني
ردحذفانا اه مقتنع بالي عملته يعني مشيت صح اهو
وكويس انك هتفكي الكأبه مع اني معتقدش انك مكتئبه
يعني شايفكاكي عثل وسكره علطول
مستنيا اعرف حلمك بقا رد ع اخر بوست نزلته بعد عناء
اولا: وحشتيني يا فدوى من الكويت لحد مصر عندكو
ردحذفثانيا:الموضوع بتاع التفاؤل ده مهم جدا للناس سريعة الاحباط زيك وزي غيرك
ثالثا: جاري تنفيذ الخطوة1 .. وانا في الخدمة
وسلامي لجميع طلبة الكلية العظيمة حاسبات ومعلومات.. ربنا يستر علينا
hamaki ...
ردحذفكلامك أكيد مظبووط ...
مش لازم الواحد يكون متفاءل جداً ...
و برضو مش لازم يكون محبط جداً ...
لإن الحالتين أسوأ من بعض أكيد ...
بس لازم الواحد يكون عنده كمية مش قليله مـ التفاؤل ...
عشان يقدر يكمل حياته عادي ...
ولازم على قد مـ يقدر يتغلب على مسببات الإحباط الأساسيه ...
اللي من غيرها ممكن مـ يقدرش يكمل أي حاجه ...
في ناس حياتهم متوقفه على حاجه معينه ...
و مقتنعين إنهم مـ يقدروش يكملوا من غيرها ...
عشان كده لازم يتغلبوا عليها على قد مـ يقدروا ...
هو ده قصدي ...
مش عارفه وصل ولا لأ ...
منور يا فندم ... (f)
و ربنا يديم عليك نعمة التفاؤل ... :)
mo5tar ...
ردحذفالحمد لله يا فندم ...
يارب تفضل مقتنع على طول ...
و يارب كلنا نقتنع معاك ...
و نـ نفذ الإقتناع ده بشكل عملي ... !!
منور يا فندم ... (f)
Teawater ...
ردحذفهههههههههههههه
مدونتي .. عايزاها ايه تبقى غير نحس ... !! D:
أهم حاجه تكوني مقتنعه ...
بغض النظر عن انك مـ سمعتيش كلام حد ... :(
بس كويس انك راضيه ...
و المهم مـ تندميش على أي خطوة أخدتيها ...
مين عثل و سكره دي ... ؟؟!! D:
القرد فـ عين أمه غزال بقى ... D:
جايالك قريب إن شاء الله ... :)
منوره ... (f)
Bo$ Bo$..90 ...
ردحذفمش ممكن ... ؟؟!!
أولاً : وحشااااااااني انتِ كمان والله ... :$
ثانياً : أيون .. حاسه إني محتاجه كم تفاؤل كبيير جداً ...
بس مش عارفه أجيبه منين ... !!
لو لقيتي .. يبقى قوليلي على مكانه ... !! D:
ثالثاً : ربنا يسهل و كله يقدر ينفذ أول خطوة و يكمل ...
و بالنيابه عن جميع طلبة حاسبات العظيمه D: ...
بسلم عليكي .. و بقولك مـ تتأخرييش علينا ...
منوره يا بسبس يا قمر ... (f)
و ألف مبروووك ع المدونة ... :)
رايحالك هناك قريب إن شاء الله ... :)
موضوع فى محلة
ردحذفوبرافو عليكى
اهنيكى على موضوعك الرائع
تحياتى
اسير الجراح
أسير الجراح ...
ردحذفربنا يكرمك يا فندم ...
دعواتك انه يكمل بس .. و يفيد أي حد فينا ...
منور ... (f)
أول زيارة
ردحذفومش آخر
تسلم ايدك يا فندم
وعقلك
بجد استفدت
وباحب أتفاءل جدا
وبالقى النتيجة
السلام عليكم ورحمة الله وبركاته
ردحذفببساطه
لو انتي محتاجه تعيشي في اي واقع
لازم تحاكي الواقع ده
كوني زي الورده
ليها جمالها
مش لازم الظاهري لكن الجمال الباطني احسن طبعا
والورده جميله بس ليها اشواك الاشواك دي اعتبريها جدار حمايتك من اي حد متطفل
والجدار ده
بيتكون من دينك واخلاقك
وكلما زاد اخلاقك وايمانك
زاد جمالك وقوتك
يبقي اكيد انتي مقتنقعه من جواكي انك هتتفائلي
مع اني مش شايف ان حضرتك من النوع المتشائم
اللي شايفه ده
هو الحزن
اسف لوكان كلامي زعلك
بس دي وجهه نظري
بالتوفيق ان شاء الله
سلااااام عليكم
احيي فيكي اختي فسدقه التمسك بنبرة التفاؤل .. ما اجمل ان يتمسك الانسان بشيئ في يده أو ليس في يده ، بمعنى
ردحذفانه لو في يدك وعاوزه تحافظي عليه ، ولو مش في يدك يبقى عاوزاه يجي لحد عندك
انا بجد بحب التفاؤل جدا ، ولو احيانا مببقاش متفائل لكن بحاول بكل قوتي استرجع مود التفاؤل عندي عشان الحياه محتاجو خطوات مينفعش نبقى ساكتين وكل حاجة تتحقق ادام عيوننا
وانا من وجهة نظري ان سبب عدم التفائل الرئيسي هو الفراغ
لذلك على كل منا ان يملأا وقته بأي شيئ نافع ، ان لم يكن مذاكره فليكن قراءة أو الخروج مع الاصدقاء والاهل او مشاهدة التليفزيون والبرامج الهادفه
او حتى مشاهدى الكارتون على الفضائيات ولم لا طب والله بيفرغ الطاقات جدا ههههههههههه
عموما مشكورة جدا جدا على البوست المفيد بحق
بارك الله فيكي ووفقك ياري
تقبلي مروري
حبارير ...
ردحذفسعيده جداً جداً جداً بتشريف حضرتك ...
إن شاء الله مـ تكونش آخر زيارة ...
معلش الدنيا هنا مش قد المقام ... !! :(
سعيدة بجد بوجودك يا استاذنا ...
منور ... (f)
$$ ThE UnKnOwN $$ ...
ردحذفو عليكم السلام و رحمة الله و بركاته
تشبيه الوردة بيعجبني جداً ...
بس شايفه إن للأسف الوصول للوردة المثاليه صعب ...
يعني أهو الواحد بيحاول .. و بيحبط .. و بيرجع يحاول تاني ...
الفترة اللي فاتت كان يمكن إحباط جامد ...
حالياً ربنا يسهل بقى و الإحباط يختفي ... !!
بخصوص التشاؤم و الحزن ...
لو حزن و إستمر .. يبقى نتيجته تشاؤم ... !!
يبقى وصلنا لـ نهاية واحده ... !! D:
بس معنى كده إن فيه أمل ... !!
و يارب يفضل الأمل ده جوايا عشان أكمّل ...
دعواتك ...
شكراً يا انون على تعليقك ...
منور ... (f)
قلم رصاص ...
ردحذفالتفاؤل فعلاً مهم جداً ...
صعب قوي الواحد يعيش من غيره ...
لإنه طبيعي هـ يكون محبط من أي حاجه ...
و مهما عمل ...
- طالما الإحباط ساكنه -
يبقى مش هـ يوصل أبداً للي عايزه ... !!
يمكن الفراغ سبب فعلاً ...
بس متهيألي مش سبب رئيسي قوي ...
حلوه فكرة الكارتون دي ... !! D:
هـ اتفرج على ضمانتك بقى ... !! D:
هههههههههههههههه
منور يا قلم ... (f)
المشكلة يا فندم
ردحذففي الحلقة المفرغة
بين الاكتئاب و الاحباط
و اليأس المكتسب
لحظتها بس بنحتاج لحد يشدنا منها
عشان نخرج من الدايرة
تحياتي
وجه جديد ...
ردحذفأكيد بنحتاج لـ حد يشدنا منها ...
بس مش أكيد إن هـ نلاقي الـ حد ده ... !!
عشان كده ...
المفروض الواحد يحاول يعتمد على نفسه على قد مـ يقدر ...
بس بصراحه .. الموضوع أصعب مما تخيلت بـ كتير جداً ... !!
بكره الحلقات المفرغه .. و الدواير المغلقه ... !!
بكره كل حاجه بدايتها نفس نهايتها ... !!
منور يا دكتور ... (f)
معلش مقصره مع حضرتك و مع أغلب الناس ... !! :(