2009/10/25

لمون يا أبلــَّـه .. ؟؟!!


!! ... سخافات ... !!عندما يلتصق بك طفل - رُبما - لم يتعد ثمانِ أعوام ...
قائلاً لك " لمون يا أبله ؟؟ "
جاوبته بالرفض .. و أكملت طريقك
لكنه استمر بـ إلحاحٍ مستفز " لمون يا أبله "جاوبته بتلقائيه مره أخرى علّه يفهم ...
" أنا رايحه الجامعه دلوقتي و مش هينفع "لكن .. دون جدوى أيضاً ... !!
ظل متلاصقاً بك .. مردداً " طب حاجه لله يا أبله "جاوبته " ربنا يحنن عليك "
" حاجه لله يا أبله .. حاجه لله يا أبله .. حاجه لله يا أبله "
انت بغيظ " ربنا يحنن عليك "أكملت طريقك .. متظاهراً بعدم مبالاتك
" حاجه لله يا أبله .. حاجه لله يا أبله "هرولت في مشيتك علّه يبتعد
لكنه استمر في إكمال طريقه متلاصقاً بك أيضاً
مردداً " حاجه لله يا أبله .. حاجه لله يا أبله "
عندما وجد أنه لا جدوى منك .....
ابتعد قائلاً " ــــــــــــــــــــــــــــــــــــــــــــــ "- حُذف للرقابه .. ولأني ببساطه لن أردده إطلاقاً -
أكملت طريقك مذبهلاً .. مردداً " حسبي الله و نعم الوكيل .. الحمد لله "
***تلك سخافة من ضمن السخافات التي قابلتها منذ عِدة أيام !!
و يبقى الســــــــــــــؤال ؟؟لماذا أطفالنا مشردة هكذا ؟؟!! و لماذا تـُركت تشحذ ؟؟!!
و لماذا إذا رأت رفض .. أرتك وجهاً لن تتوقعه أبداً ؟؟!!

ما الحل المجدي في مثل تلك المواقف ؟؟!!
أغلبنا يدري أن من يشحذ علنياً و بـ إستفزاز - خصوصاً -
لا يستحق أي شئ ... !!
غيره الكثيرون أحق .. لكن بـ إحترامهم ... !!
و غيرهم .. من يحن قلبك لهم .. فقط ... !!
***
ع الهامش : تصدقوا حمدت ربنا و اتبسط إني مـ ادتلوش حاجه ...
بغض النظر عن اللفظ اللي سمعته يعني ... !! X(
أعتقد بعد الموقف ده بالذات مش هـ أفكر أدي لـ حد حاجه ...
مهما غلس عليّا زي الغالب ... !!
و يمكن يحصل العكس .. إجتناباً إني أسمع أي لفظ مش لذيذ ... !!
إنتوا ايه رأيكم بقى ... ؟؟!! :(
أفيدونا أفادكم الله ... !!
مرسلة بواسطة في
التسميات: ,

هناك 28 تعليقًا:

  1. غير معرف25/10/09 9:42 م

    والله يا ابله يمكن يكون عندك حق انك متديش حاجه ليه عشان مش تعينه على التشرد بس برضو بنقول انه فى الاخر طفل يمكن ماتت براءته من زمان بس ساعات ايه حاجه بياخدها يمكن تسعده فخديها بالنيه دى ساعات بس غالبا انا بحتار واوقات كتيير مش بدى على حسب الطفل فى اطفال بلطجيه دلوقتى وبعدين يمكن لو قالك يابشمهندس ش يا ابله كنتى اديتيله

    ردحذف
  2. fOsDö2ä25/10/09 9:53 م

    غير معرف ...

    متفقه معاك فـ الرأي طبعاً ...
    بدليل إني قلت ...
    "غيره الكثيرون أحق .. لكن بـ إحترامهم ... !!
    و غيرهم .. من يحن قلبك لهم .. فقط ... !!"
    ساعات بنلوم ناس مـ لهاش ذنب فـ حاجات كتير ... !!
    بس يعني هي الكلمة كانت واقفه فـ زوره خلاص ... !! X(

    الموضوع محيّر طبعاً ...
    بس للأسف كمان مستفزني جداً ... !!
    ربنا يهدينا جميعاً بقى ... :(

    لو كان قالي يا بشمهندسه ... ؟؟!!
    كنت ممكن أفكّر فـ الموضوع ده ... !! D:

    منور يا غير معرف ... (f)

    ردحذف
  3. Hanaa Sayed26/10/09 12:05 ص

    سلام عليكم
    وربنا يا فسدقه لسه حاصل معانا حاجه شبه كده انهارده واحنا طالعين من جنب هندسه بس متكلموش خالص هما عملو حركات غريبه كده :S
    بجد لما بشوف اي طفل صغير كده بيصعب عليا وخصوصا لو كان سنه فعلا صغير يعني تحت 15
    سنه .... يعني ده يعمل ايه ولا اتعلم حاجه ممكن يشتغل بيها ولا اي حاجه من اول ما اتولد وهو في الشارع يعني هنكون مستنين من حد كده ايه !!

    انتي عارفه بجد هما مش محتاجين فلوس اكتر ما محتاجين حد بجد يحبهم ويحس بيهم ويسال عليهم ويسمعهم عشان يفهم هما بيفكرو ازاي ويقدر يأثر فيهم؟؟

    مش عارفه الكلام اللي بقوله ده ممكن يجيب تأثير مع الواقع ولا لأ بس اكيد لو حد عمل كده اكيد هيغير كتير بس هي المشكله ان قليل اللي ممكن يعمل كده او يفكر في غيره اصلا المعظم دلوقتي مشغول بنفسه ...بجد هما ملهومش اي ذنب في اللي هما فيه !!

    حطي نفسك مكانهم كده :(

    انا معاكي ان كلمه ابله دي بضايق وخصوصا الطريقه اللي هما بيقولوها بيها ... بس برضه حد متعلمش يتكلم ازاي ....عاوزاه يتكلم ازاي !!

    هما فعلا بيقولو شتايم "ـــــــ" عشان دي بقت حاجه عاديه عندم حاجه اتعودو عليها خلاص يعني وهو بيقول كده ممكن اصلا ميكنش فاهم ان اللي بيقوله ده غلط ..!!
    اهي اي حاجه وخلاص ...
    او لو فيهم فاهم اهي حاجه يغيظ بيها اللي قدامه ... تخيلي هو بيطلب الطلب ده من كام حد في اليوم وكل مرة هو يطلب الطلب ده تقريبا تبقي نفس الاجابه في الاخر الله يحنن عليك ..... اللي هو مش هياخد حاجه في الاخر .... لما احنا بقي بنطلب طلب من بابا مثلا وبنبقي مش محتاجينه قوي كمان ومثلا بابا قال مش انهارده شوفي احنا بنبقي اد ايه مضايقين بالرغم من اننا هناخد اللي احنا عاوزينه في الاخر !!
    هما بقي مش عندهم اب يطلبو منه حتي وكل ما يطلبو من حد عارفين انهم مش هيخدو حاجه :(
    ربنا معاهم بجد :(

    طيب هو مش كان بيبع لمون يعني هو عنده تقريبا شغلانه اهو !!

    بصي يا فسدقه راي بعد كل الكلام اللي قلته ده انك لما تدي متديش برضه لكل الناس ... يعني انتي ممكن تحسي كده باللي محتاج بجد واولهم لما يكون شيخ كبير مش هيقدر يشتغل ... ده بجد اللي يحتاج المساعده ... لكن الاطفال بجد بقو حاجه صعبه يعني حتي لو اديته مرة وجه مرة بعدها ما ادتوش ممكن يشتمك ولا الحاجه اللي انتي هتديهاله دي هي اللي هتخليه يبقي احسن ..
    ده غير زي ما بنشوف كده في المسلسلات ممكن يكون ليه رأيس يعني بياخد منهم كل اللي بيجمعوه طول اليوم ..
    يعني مثلا لطفل ممكن تديه حاجه يكلها مش فلوس ... انتي مش عارفه هو ممكن يعمل بالفلوس ايه !!
    بس اكيد لو انا مكانك ولقيت طفل بيشتمني عشان عاوز حاجه يبقي مش هديله كده انا بعلمه ان الشتيمه هي اللي هتخليه ياخد اللي هو عاوزه يبقي كده انا بعلمه حاجه غلط !!!

    بس كفايه كده مع اني لسه عندي كلام كتير في الموضوع ده :(

    سلام يا جميل

    ردحذف
  4. !! a7mad sala7 !!26/10/09 12:45 ص

    توقعت النهاية دى بردو :D

    بس العالم اللى زى دى بيبان عليهم
    من المنظر العام كده

    الناس المحتاجة فعلا تحسبهم اغنياء من التعفف

    عامة تصرفك دا هو الصح
    اصل مش بايدك حاجة تعمليها غير كده
    لان العالم دى بتبقي فضايح :D

    ربنا يكفيكي شرهم

    ردحذف
  5. Dr . Rosa26/10/09 12:53 ص

    خدى من ده كتيييييييييير
    و شويه كمان هتلاقيه بيقولك
    " ربنا يرزقك بعريس يا ابله "
    طيب على الاقل ده بيبيع حاجه
    الدور و الباقى على اللى ماشييين فى الشوارع من غير اى لازمه

    كنتى جبتى اللمون يا فسدقه
    ينفع بردو فى الوقت ده

    :)

    ردحذف
  6. Lamees26/10/09 1:34 ص

    سلام عليكم

    طبعا موضوع التسول ده موضوع مستفز جدا
    وانا لسه متعرضة للموقف ده امبارح!!
    فعلا الالحاح بتاعهم ده مريب وبيدايق بس نعمل ايه اكيد اتعودو على كده وده اسلوب بينفع مع بعض الناس اللي بتزهق بسرعة
    ده مجرد راي..
    بس موضوع جامد جدا يا فسدق.. هي دي المواضيع الحلوة :)
    سيبك انت... انا بحب الليمون جدا ؛)

    ردحذف
  7. fOsDö2ä26/10/09 1:47 م

    زهرة الخريف ...
    و عليكم السلام و رحمة الله و بركاته
    تعلقياً ع الجزئيه الأولانيه ...
    كلامك مش معترضه عليه أبداً ...
    و للأسف يمكن كنت بحسه قبل كده و بيصعبوا عليا جداً ...
    يمكن اسلوبي طلع زياده قوي المره دي ...
    و يمكن غابت عني - للحظه - ظروفهم ... !!
    و يمكن الموضوع كان من الأول هـ يكون معاه سخافه بجد أكبر من دي ...
    - بعيداً خالص عن الأطفال دي -
    بس حسيت الموضوع هـ يطوّل فـ قولت أقسمهم فـ أكتر من بوست ...

    تعلقياً ع الجزئيه التانيه ...
    كلامك صح و واقعي جداً ...
    بس للأسف لما تحسي إن أغلبهم مش محتاج ...
    الإحساس فـ حد ذاته بيدايق طبعاً ...
    ههههههههههههههههه
    فكرتيني بمره كنت طالعه مـ الجامعه بردو ...
    لقيت واحد صغير المهم اديتله و بعدها لقيت بتاع 5 عيال جايين عليا ... !! D:
    و غيرهم ...
    واحد ست مش كبيره و عندها صحة تشتغل أي حاجه قاعده ...
    و مخليه عيالها يعدّوا ع اللي رايح واللي جاي يشحتوا منهم ... !!
    طب ايه ده يعني ... ؟؟!!
    و غيرها واحده كانت بتشتغل عندنا و عند قرايبنا ...
    و ماشاء الله عندها صحة كويسه جداً و فلوس فـ البنك ...
    فـ رمضان تلاقيها إختفت ...
    و فجأة حد من قرايبي يشوفها قاعده لابسه هدوم مقطعه و مخبيه وشها و بتشحت ... !!

    في أمئلة سيئه كتير للأسف ...
    و الناس اللي محتاجه بجد ... بـ تضيع فـ النص ... !!

    الموضوع كبير طبعاً زي مـ بتقولي ...
    لو عايزه تيجي تاني تعالي براحتك يعني مش محتاجه كلام... :)

    منوره يا نوءه ... (f)

    ردحذف
  8. fOsDö2ä26/10/09 1:51 م

    !! a7mad sala7 !! ...
    صح ...
    في ناس فعلاً بيبان عليهم ...
    و في ناس العكس ... !!
    و الغالب دلوقتي للأسف بقى لسانه طويل ... !!
    عامتاً ...
    بقيت أحس إن اللي بيلح ده يبقى مش محتاج غالباً ... !!
    إنما اللي مكتفي إنه قاعد على جنب و مادد إيده ...
    ممكن يكون محتاج أكتر منهم ... !!

    منور يا فندم ... (f)
    و ربنا يكفينا و يكفيكم شر الفضايح يارب ... :)

    ردحذف
  9. fOsDö2ä26/10/09 1:56 م

    Dr . Rosa ...
    " ربنا يرزقك بعريس يا ابله "
    لو كان قالي ...
    " ربنا ينجحك يا ابله "
    كان إحتمال رد الفعل يختلف ... !! D:

    ده بيبيع صح .. بس بيشتم ... !! X(
    تصدقي كنت ممكن أجيب فعلاً بس لو كنت مروّحه ... !! D:
    أخده معايا فـ الكلية أوزعه بقى هناك ولا أبيعه ... ؟؟!! D:
    و الست اللي ع الباب تقولي انتِ جايه تبيعي لمون هنا ولا ايه ... ؟؟!! D:

    منوره يا اختي ... (f)
    عارفه امنية حياتي ... ؟؟!! D:
    نفسي ألاقي عندك حاجه مكتوبه ... !! P:

    ردحذف
  10. fOsDö2ä26/10/09 1:59 م

    BosBos ...
    صح يا ميسو ...
    هما عشان لقوا رد الفعل اللي هما عايزينه بالإلحاح ...
    بقوا بيزودوا الإلحاح أكتر مـ الطبيعي ... !!

    ربنا يكرمك يا جميل ... :)
    أجيبلك لمونه و أنا جايه ... ؟؟!! D:

    منوره يا بس بس ... (f)

    ردحذف
  11. ROMA26/10/09 7:10 م

    aaah aaah ana ba7'aaf men el nas dee 7'aales wallahy:(:(:(
    bas hwaa eshme3naa el lamoon ya3nee de gedeedaa dee:D:D:D
    la2 begad rabena yer7amnaa 2atfaal el shaware3 delwa2ty ketro awee betare2aa teza3aal:(:(
    miss u ya fadwety:):)

    ردحذف
  12. fOsDö2ä26/10/09 8:14 م

    ROMA ...
    ايون يا بنتي فعلاً كتروا جداً للأسف ...
    و ده اللي بيخيلي الواحد مش عارف مين محتاج و مين لأ ...
    غير كده كل لما يكترو .. نفسياً الواحد بيدايق طبعاً ... :(
    ربنا يرحمهم و يرحمنا معاهم ...

    مس يو تو ... :">
    فرحانه اني شوفتك هنا ... :)
    مش هشوفكم بقى ولا ايه ... ؟؟!! :(

    منوره يا جميل لأول مره ... (f)

    ردحذف
  13. fOsDö2ä26/10/09 9:47 م

    ROMA ...
    بعد غلطتي الشنيعه دي ...
    مش عارفه أودّي وشي فين ... !! D:
    كنت فاكراكي حد تاني ... !! D:

    انتِ مين بقى .. ميييييين ؟؟!!
    مش قادره أفتكر ... :(

    ردحذف
  14. !! a7mad sala7 !!27/10/09 12:03 ص

    وبعدين ايه صورة الواد العسل اللى حاطاه ده
    دا منظر شحات :D


    وكمان اللى قابلك دا بيقول لمون يا ابله
    يعنى معاه منتج

    غيره مادد ايده فاضية :D :P

    ردحذف
  15. fOsDö2ä27/10/09 3:44 م

    !! a7mad sala7 !! ...
    أصلاً و أنا حاطاه صعبان عليّا ... !! :(
    بس لازم يعني يكون شحات مستوى مش أي حاجه ... !! D:

    ههههههههههههه
    اللي قابلني معاه منتج ...
    و معاه إلحاح و لسان طويل ... !!

    غيره ممكن يكون كبير فـ السن ...
    و مكتفي إنه مادد ايده فاضيه ... !!

    يبقى النهاية واحده ... !! D:

    منور يا فندم للمره التانيه ... (f)

    ردحذف
  16. Hanno27/10/09 7:20 م

    سبحان الله أنا لسه برضو حاصل معايا موقف زى ده بالظبط قريب ...

    مع انى كنت اتعودت خلاص على كدة يعنى ..

    الطبيعى انك تمشى تتكعبلى فى الناس دى ..

    و خصوصا الاطفال زى ما قلتى كدة ...

    بس أنا اللى حصل معايا كانت ست و بتقولى عاوزة أجرة المواصلات ... أنا أصلا شكيت فيها لأن وشها كان مألوف كدة ليا ,,, و قلت هأقولها لأ أما أشوف هتعمل ايه و لو عدى الموقف من غير خساير ممكن أديلها ...

    بس طبعا واضج ان الخساير كانت فادحة ..

    أنا كنت محتاجة أفوق نفسى بعد اللى قالته ... تيييييييت تييييييييت تيييت ...

    قلت مش ممكن أعدى على فسدق من غير ما أسلم .. D:

    ردحذف
  17. Mohamed Hamada27/10/09 8:02 م

    السلام عليكم
    علي فكره كويس انو قال ....كدا بس ومكنش طلع المطوه الي في الجيب الوراني :D
    بس هيه المواقف دي بتحصل كل يوم معانا وبقت حاجه غريبه جدااااا
    بس انا بصراحه مش بقابل حد رخم كدا خالص كلهم ممكن يقولو مره وخلاص
    بس ارجع واقلك مدام كان متشرد ورخم المفروض كنتي تخافي وتديله بالتي هيه احسن ههههههه

    وسلاااام

    ردحذف
  18. fOsDö2ä27/10/09 9:05 م

    Hanno ...
    سبحان الله ... !!
    هو في ايه بالظبط ... ؟؟!!
    طب دي حتى يعني ست ... !!
    ما علينا ... !!
    يظهر إن الأخلاق فـ ضياع مستمر ... !!
    و الحالة الإقتصادية فـ الباي باي ... !!
    و مصر لسه بخير ... ؟؟؟؟!!!
    ربنا يستر بقى ... !! :(

    منوره يا هنّو ... (f)
    ربنا مـ يحرمني من سلامك الجميل ده ... :">

    ردحذف
  19. fOsDö2ä27/10/09 9:13 م

    hamaki ...
    و عليكم السلام و رحمة الله و بركاته
    على رأيك .. عدِّت على خير ... !! D:
    و من حسن حظك اللي - ممكن - أحسدك عليه ... D:
    إنك مش بتقابل النوعيات دي ... !!

    مـ تستبعدش آخر حاجه قلت عليها تحصل المره الجايه ... !! :((

    منور يا فندم ... (f)

    ردحذف
  20. fOsDö2ä27/10/09 9:18 م

    ROMA تالت مره ...
    إعتذار علني قدام الكل أهو ... :(
    معلش والله عدِت عليّا إزاي مش عارفه ... !! :((
    مع انه باين انك انتِ يعني ... !! :(
    زهايمر يا بنتي سامحيني ... :(

    برضو كلامي مش هـ يتغير ...
    ميس يو تو أكتر من مـ تتخيلي بجد ... :(
    و ميس أووول أوف يو كمااااان ... :(
    أنا زفت من غيركم أساساً ... !! D:
    يارب أشوفك بقى ... :(

    منوره يا عسل ... (f)

    ردحذف
  21. ROMA27/10/09 9:27 م

    no problem ya fadwety ya 7abibty:):):)
    we ba3deen enty hat2ooleely 3ala el zehaymaar beta3ek da ana 2aktaar wa7daa 3arfaaky:P:P
    we mesh te2ooly 3ala nafsek kedaa laaw samaa7ty:(:(
    e7na hanefdaal ma3 ba3d mahmaa 7asaaal:):)
    see u tomorrow isa:):)

    ردحذف
  22. fOsDö2ä27/10/09 9:35 م

    ROMA ...
    :"> :"> :"> :"> :">
    - وش كثــوف أنا -
    لو من ناحية الزهايمر و إنك عارفاني ... D:
    مش هـ أقدر أتكلم طبعاً ... !! :(

    ربنا يخليكِ و يكرمك يا جميل ... :)
    و إن شاء الله هشوفك بكره .. ربنا ييسر ... :)

    ردحذف
  23. rooney29/10/09 1:43 م

    يقول الامام علي عليه السلام زوج البتول بنت الرسول من ام المؤمنين خديجة الكبرى عليهن السلام ( الصدقة لمن يحتاجها ولمن يطلبها ) … هذا هو دين الرحمة .. مع خالص تقديري ……… ادعوك لزيارة مدونتي …

    ردحذف
  24. fOsDö2ä29/10/09 8:50 م

    rooney ...
    الصدقة لمن يحتاجها ماشي ...
    إنما لمن يطلبها .. أول مره أعرف ... !!
    أنا دورت على صحة الحديث ...
    تقريباً أصلاً مش لاقيه حديث كده ... !!
    ممكن حضرتك تتأكد مـ الموقع ده ...
    http://www.dorar. net/enc/hadith
    لو وصلت لـ حاجه جديده بلغني ...
    و ياريت تبقى تتأكد من صحة الحديث ..
    عشان للأسف في أحاديث كتير جداً انتشرت و مكذوبه ...

    منور يا فندم ... (f)
    شكراً ع التعليق ... :)

    ردحذف
  25. rooney29/10/09 9:42 م

    ده مش حديث
    ده من اقوال الامام على عليه السلام

    وربنا يوفقك لما فيه الخير

    ردحذف
  26. fOsDö2ä30/10/09 2:46 ص

    rooney ...
    معلش وقعت مني دي ... !!
    بس لازلت مش لاقيه حاجه تدل على صحتها ...
    هـ أحاول أدّور فـ الموضوع ده ...
    لأنه لو صح في حاجات ممكن تفرق كتير ... !!

    منور يا فندم ... (f)
    و ربنا يوفقنا جميعاً للخير ... :)

    ردحذف
  27. yomna31/10/09 1:56 ص

    عارفه يا فدوى المشكله ف ايه كمان؟
    ان فيه عيال من دي بشوفها رايحه مثلا تجيب ايس كريم من السوبر ماركت
    او رايحه تشتري شيبسي
    طيب انا ادي لعيل زي ده عشان يجيب شيبسي ولا مصاصه ؟
    المفروض يعني ان الناس دي بتطلب منك عشان محتاجه تجيب اكل مش عشان تجيب رفاهيه
    ما انا عشان كده بطلت ادي للعيال دي عشان هما بقوا بيعتبروها شغلانه خلاص

    ردحذف
  28. fOsDö2ä31/10/09 6:39 م

    yomna ...
    ههههههههههههههه
    عادي يا يمنى يعني ...
    الولد نفسه فـ شيبسي ... :)

    والله يا بنتي الموضوع بقى كتير قوي لدرجه رهيبه ...
    ربنا يهدي يارب و يفك كروب الكل ...

    إلا كل ده بـ تسطبي البرنامج ... ؟؟!! D:
    منوره ... (f)

    ردحذف

شكراً لو علقت .. و لو معلقتش برضو ... !! D:

الاشتراك في: تعليقات الرسالة (Atom)