2009/11/04

وقفه بقى .. !!

لما تنوي تغير حاجات كتير فـ حياتك ...
و أول مـ تيجي تبدأ .. حاجه توقعك نفسياً بمنتهى البساطه ...
وقفه بقى ... !!
.
لما تنوي تعمل حاجات كتير جداً ...
و تنوي تستغل وقتك فـ حاجه مفيدة تنفعك دنيا و آخرة ...
و يجي الوقت اللي المفروض تبدأ فيه .. و مـ تنفذش ...
وقفه بقى ... !!
.
لما تكرر نفس غلطاتك الغبيه بـ تفاصيل تشبهها قوي ...
من غير مـ تستفيد من غلطك اللي فات غير إنك تحبط و تتوجع ...
مع حبة مواقف غبيه و إحراجات على شوية وحده زيادة ...
مع إحساس مميت بالظلم ...
وقفه بقى ... !!
.
لما حاجات كتير توقعك بمنتهى السهوله ...
و تحتاج أيام كتيرعشان تقوم ...
و أول مـ تبدأ تقف على رجليك .. تلاقي واقعه أجمد ... !!
و تكتشف كل يوم عن اللي قبله ...
إن الوقعات اللي قبل كده .. أهون بـ كتير ...
وقفه بقى ... !!
.
لما توهم نفسك إنك بـ تضحك من قلبك ...
و إنك بـ تحاول تنجح فـ حياتك ...
و جوّاك فشل و يأس .. على كام دمعة عايزه تنزل و ترتاح ...
وقفه بقى ... !!
.
لما تكون واقع قوي .. و تتجاهل وقوعك ...
و تبان إنك أقوى حد فـ الدنيا ...
و انت بتموت جوّاك ألف مرّه ...
وقفه بقى ... !!
.
لما تكون نفسك ضايعه جوّاك ...
و مش عارف ترجهعالك زي زمان ...
لأ .. وقفه بقى ... !!
.
لما تلاقي نفسك مش قادر تحاسبها ...
يمكن خايف .. يمكن محبط .. ألف يمكن و يمكن ... !!
لأ .. وقفه بقى ... !!
و ألف وقفه و وقفه كماان ... !!
مرسلة بواسطة في
التسميات:

هناك 18 تعليقًا:

  1. !! a7mad sala7 !!5/11/09 3:28 ص

    المشكلة انها ممكن تبقي وقفة بس مش طويلة
    وقتية كده

    وتقعد تانى :(

    ردحذف
  2. fOsDö2ä5/11/09 3:34 ص

    !! a7mad sala7 !! ...
    أو بالأصح ...
    زي أغلب الوقفات اللي مـ بتدبأش ... !!

    ربنا يسامحك .. لازم يعني كده ... ؟؟!!

    يارب مـ تكون وقتيه يااارب ...
    و لو كانت .. إن شاء الله هـ أطلع منها بـ أي حاجه كويسه ... !!
    ربنا ييسر الأمور و يسهلها ... :(

    منور يا فندم بـ أول تعليق ... (f)

    ردحذف
  3. ROMA5/11/09 10:13 م

    masha2 allah 3aleeky ya fadwety gama3tyy kool el 7agaat ely bete7saal begaad:):)
    bas ya raab teb2aa wa2faa 3alatool mato23odsh 7'aales:D:D:D:D
    rabena yewafa2ek ya gameelah we te7a2a2y kool 2amaneeky:):):)

    ردحذف
  4. fOsDö2ä6/11/09 12:48 ص

    ROMA ...
    ربنا يكرمك يا جميل ...
    آمين يارب ... دعواتك ...

    لسه - للأسف - مـ بدأتش خطوة إيجابية لدلوقتي ... !!
    الحمد لله .. الدنيا اتلخبطت عن إمبارح كتير ... !!
    بس فرج ربنا قريب إن شاء الله ...

    ربنا يخليكي .. مـ تنسيناش بالدعاء ... :(

    منوره يا جميلة ... (f)

    ردحذف
  5. yomna6/11/09 1:20 ص

    المشكله ان الوقفه بالنسبه ليا بتبقي وقفه طويله جدااااااا.. بيضيع فيها اغلب وقتي تقريبا.. وحاسه اني عقبال ما هبقي طلعت منها هيبقي الوقت ضاع
    اكيد يا فدوي انتي اكتر واحده حاسه بيا دلوقتي:)

    ردحذف
  6. fOsDö2ä6/11/09 1:29 ص

    yomna ...
    ربنا يكرمك يا يمنى ...
    و يوفقك لما يحبه و يرضاه و يفك كربك ...

    عارفه ...
    من رأيي مهما طولت الوقفه مش مهم ... !!
    المهم .. إنك تطلعي منها زي مـ انتِ عايزه و مرتاحه ...
    بس المشكله كلها فـ البداية ... !!

    دعواتك يا يمنى ربنا يخليكي ... :(

    منوره يا جميلة ... (f)

    ردحذف
  7. عاشقة الرحمن6/11/09 6:50 م

    ان شاء الله هتكون وقفه مفيده وربنا يقويك ويعينك بس المهم ما يكونش في حاجه توقفنا بس المهم نستعين بربنا

    ردحذف
  8. fOsDö2ä6/11/09 9:28 م

    عاشقة الرحمن ...
    آميـن يارب ...
    دعواتك يا جميل ... :(

    مبسوطه إنك هنا ... :">
    منوره ... (f)

    ردحذف
  9. Lamees7/11/09 10:03 م

    سلام عليكم
    جايالك بشوية دعوات كده ع السريع:
    {
    ربنا يوفقك يا فدوى
    ويعينك على كل شيء
    ويبارك في وقتك كمان، عشان الوقت ده بلوى لوحده
    يارب تخرجي من اي تجربة باستفادة ومنفعة ان شاء الله
    واصبري على اي مشكلة، وادعي ربنا يفرجها من عنده
    }
    endl;
    ههههههههه

    ردحذف
  10. fOsDö2ä7/11/09 11:22 م

    BosBos ...
    و عليكم السلام و رحمة الله و بركاته
    آميــن ياارب ...
    ربنا يكرمك يا جميل ... :">
    سكر انتِ و الله يا بسبس ... :">

    بس تعالي هنا ... D:
    الـ endl من غير cout ليييه ... ؟؟!!
    و كمان جايباها فـ الآخر كمان ... !!
    و فين الـ ; بتاع الكلاس و الكي ورد بتاعته ... ؟؟!!
    - ده لو كان كلاس يعني D: -
    ههههههههههه

    منوره يا عسل ... (f)

    ردحذف
  11. zikooooo8/11/09 3:10 م

    السلام عليكم
    مدونه جميله
    ربنا يهدينا ويهدي المسلمين جميعا
    ((((
    لما تكون واقع قوي .. و تتجاهل وقوعك ...
    و تبان إنك أقوى حد فـ الدنيا ...
    و انت بتموت جوّاك ألف مرّه ...
    وقفه بقى ... !!
    ))))

    حوه اوووي المقوله دي

    ردحذف
  12. fOsDö2ä8/11/09 7:45 م

    zikooooo ...
    و عليكم السلام و رحمة الله و بركاته
    ربنا يكرمك يا فندم ...
    أخجلتم تواضعنا ...

    ربنا يهدي الجميع إن شاء الله ...
    اللهم آميـن ...


    منور لأول مره ... (f)

    ردحذف
  13. rooney9/11/09 3:43 ص

    صح لازم كل واحد يقف مع نفسه شويه
    ويعيد حساباته كلها من جديد
    ويشوفه ايه اللى عمله صح
    وايه اللى عمله غلط


    بس فى مشكله اى واحد مننا بيتعب من الوقفه وفى الاخر يقعد فى مكانه
    او ينادى حد يتسند عليه لحد ما يرتاح شويه ويساعده انه يقف تانى من جديد

    يبقى عشان كل واحد مننا يقف صح مع كل الغلط اللى عمله

    لازم يكون فى حد يساعده ويسانده

    وربنايوفقنا لفعل الخير


    موضوع جميل
    احسنتى يا بشمهندسه

    ردحذف
  14. fOsDö2ä9/11/09 6:06 ص

    rooney ...
    معاك طبعاً إن الوقوف مطلوب جداً ...
    و معاك برضو إن الوقفه ممكن تكون متعبه جداً ...
    بس أهم نقطة البداية ...
    - اللي للأسف لسه مـ بدأتش !! -

    ممكن نحتاج لـ حد يساعدنا ...
    بس فـ الغالب كل واحد مسؤول عن تصرفاته أيّا كانت ...
    يبقى غالباً و المفروض إنه يتحملها لوحده ... !!

    ربنا يوفقنا للخير و الصح دايماً يارب ...

    منور يا فندم ... (f)

    ردحذف
  15. Lamees11/11/09 5:49 م

    انا غلطااااااانة اني كتبت الكلمة دي
    ده انت راجعتيلي منهج البرمجة كله يا فدوى...:)

    عموما..
    موضوع الendl ,والclass ,والـ;
    اكيييييد محتاج (وقفة بقى) :)

    ردحذف
  16. fOsDö2ä11/11/09 7:27 م

    BosBos ...
    هههههههههههههه
    معلش بقى استحمليني ... D:
    مـ انتِ عارفه اللي بيني و بين البرمجه ... !! X(
    - خليني ساكته أحسن -

    على رأيك .. عايز (وقفه بقى) هو كمان ...
    - ايه مش محتاج واقفه أصلاً ؟؟!!! -

    منوره يا بسبس ... :">

    ردحذف
  17. Hanno16/11/09 7:43 م

    كأنى أنا اللى بأتكلم و كأن الكلام خارج من جوايا ...

    و كأنى مش لاقية اجابة ...

    و كأنى بأسأل امتى هرجع زى زمان ,,,

    و أقف مع نفسى وقفة بقى !!

    ردحذف
  18. fOsDö2ä16/11/09 8:25 م

    Hanno ...
    بصي بقى أنا مش هـ أعلق ...
    عشان انتِ قلبتي عليّا المواجع النهارده ... :(

    بس مسيرك هـ ترجعي ...
    و مسيري هـ أرجع ...
    - إن شاء الله -
    شئنا أم أبينا يعني ... !!
    عشان الإحساس ده أرخم إحساس فـ الدنيا ...

    منوره يا نونو يا عثل ... :">
    ربنا يفك ضيقتك و كربك يا جميل ... :)

    ردحذف

شكراً لو علقت .. و لو معلقتش برضو ... !! D:

الاشتراك في: تعليقات الرسالة (Atom)