حدث X صورة .. !!

لأول مره .. الطفلة ندى تُشجّع مصــر ... :">

بغض النظر عن حرقة الدم .. و بوظان الأعصاب ... !!

و بغض النظر عن إحتجاز 1500 مصري فـ الجزائر و الاعتداء عليهم ...

- لو الكلام صح .. فـ حسبنا الله و نعم الوكيل .. ربنا يهدي -

قامت الطفلة نودي بـ تشجيع فريق مصر بـ مباراة يوم الأحد السابق ...

- و رسمنالها 3 أعلام لـ مصر على خدودها الصغننه و أورتها ... :"> -

مع تمنياتها بـ إستمرار التفوق .. و إستكمال الفرحة يوم الأربعاء القادم ... :)

- بنت أختي لـ اللي مـ يعرفش D: -

***

المدعوّه - أنا - متنرفزه جداً ... !!

كانت المدعوّه - أنا - متنرفزه يوم السبت السابق ...

عشان الإمتحان كان سهل و عبيط جداً ... !!

و الغباء بتاع الإمتحان اللي هو تبقى متأكد من حاجه و تعد تشكك نفسك ...

و فـ الآخر تكتبها غلط .. مع إنك متأكد مليون فـ الميه إنها غلط ... !!

و إنك تعتقد إنك عامل حاجه صح و تكسل تراجعها مـ البداية ...

و بعدها تكتشف إنك بحبة تركيز كنت هـ تجاوبها صح جداً... !!
- الحمد لله .. بس متنرفزه جداً برضو X( -

مع تمنياتي القلبية للجميع بـ إمتحانات سعيدة و سهله و لذيذه ... :)

***

كلاكيت تاني مرّه ... !!

عودة القطة المدعوه " فله فلافيلو المفلفله " ...

بعد تكرار حركاتها التهوريه اللي كل مره كانت بـ تيجي سليمه ... !!

فـ في يوم الجمعة الموافق 13-11-2009 ...

إختفت في ظروف غامضة لمدة يوم كامل ... !!

و بعد محاولات فاشله للعثور عليها في الشارع ...

- إعتقاداً منّا إنها سقتط وهي بـ تتمختر كالعاده على شبابيك البلكونه -

فجأة ... إكتشفنا إنها فـ بلكونة الناس المسافرين اللي تحتنا ...

- نتيجة تمخترها ع الشبابيك أكيد !! -

لن نروي المزيد من التفاصيل لكم .. خاصةً جيبناها إزاي !! D:

- بس الحمد لله إنها رجعت تاني .. و رجعت من غير بهدلة الشارع -

لمعرفة المزيد من التفاصيل لـ أحداث المره الأولى المشابهه ...

الرجاء الضغط هنا ...

***

تيتي الأم .. تنجب المزيد من الأطفال ...

أنجبت الأم تيتي فجر يوم الثلاثاء الموافق10-11-2009 ...

3 قطط صغننين ... مع إكتشاف وفاة واحدة بمحض الصدفه من قبلي ...

- مـ حدش يفكرني يكرمكوا ربنا :( -

و بـ كده يبقى عندنا قطتين مقططتين صغننين جُداد ...

- الرجاء الدعاء للأم تيتي بالشفاء .. عشان مازالت تعبانه -

و من هنا يبقى المجموع 7 قطط بـ الأب بنانا و الأم تيتي ... !!

- اللهم لا حسد يعني -

- أصل في 3 اتولدوا فـ شهر 4 .. مـ اتكلمتش عنهم هنا ... !! -

شكلنا هـ نسيبلهم البيت و نمشي ... !! :((

- حدش عايزله قطتين تلاته ولا حاجه ؟؟!! -

***

أي خدمه .. غيرتلكم المود شويه ... D:

مش حارماكو من حاجه أنا ... D: