مش بـ أحب أشوف حد زعلان أودامي و ساكت و حاسّه انه عايز يتكلم ... !!و مش بـ أحب حد يقولي إنه زعلان .. من غير مـ أكون عارفه طقوسه ... !!
حاجه بـ تخليني أحس بـ الحيرة و العجز ... !!
يمكن دي حاجه غريبه شوية بالنسبه للبعض ؟؟!!
بس فعلاً بـ أحس إن دي مشكلة - بالنسبالي ع الأقل - بـ أتحط فيها ... !!
الموضوع و ما فيه إني شايفه الناس نوعين وقت الزعل ...
النوع الأول ممكن نسميه " مُريح " ...
لما تيجي تسأله " مالك؟؟ " ...
يجاوبك بمنتهى البساطة " متدايق " ...
لو سألته " ايه اللي مدايقك ؟؟ " ...
يجاوبك بمنتهى البساطة - برضو - ...
و يتكلم و يدخل في تفاصيل أو مـ يدخلش ...
- على حسب مـ هو حابب -
و هنا تكرار السؤال للإستفسار ممكن يبقى رخامه و تطفل و غباء ... !!
- ده لو مـ دخلش فـ تفاصيل طبعاً -
***
النوع التاني ممكن نسميه " مُتعِب " ...
لما تيجي تسأله " مالك ؟؟ " ...
يجاوبك و يقولك تلقائياً " عادي .. مفيش حاجه !! " ...
- و الواقع يكون مختلف عن الإجابة -
لو سألته تاني .. يجاوبك " متضايق شوية " .. و يسكت ... !!
و الواقع إن الشخص ده محتاج يتكلم ... !!
- بس مش بيتكلم بسهولة !! -
لو سألته تالت .. ممكن تلاقي تفاصيل أكتر و أكتر ... !!
هنا تكرار السؤال بـ يبقى مفيد للشخص كتير جداً ...
لـ حد مـ توصلّه انه يتكلم أو بمعنى أصح .. يفضفض بكل اللي جوّاه ... !!
***
بـ أقف كتير محتاره لو حسيت إن حد متدايق ...
تحديدي و معرفتي لـ نوع الشخصية دي .. فـ الوقت ده بـ يفرق جداً ...
***
ده غير بقى أنواع حل مشكلة الزعل ... !! D:
مشكلة تانيه لوحدها فعلاً ... !!
عندكم مثلاً ...
نوع يكتفي بـ انه يحس انك حاسس بيه و بس ...
نوع بـ يحب يبعد عن الناس و يفضل مع نفسه ...
نوع مش بيخرج مـ المود إلا لو هرّجت معاه ...
نوع بيهدّى لو صبّرته و قلتله كلام يهدّي ...
نوع بـ يتدايق أكتر لو سمع " سيبك " أو " كبر دماغك " ...
نوع يحتاج إنه يفضل يتكلم و يتكلم و تفضل تسأله ...
نوع بـ يحب الفكر العقلاني .. و نوع بـ يحب الفكر العاطفي ...
ألف نوووووع و نوووووع ... !!
***
حد بـ يحس بـ هذه المشكلة العويصه ... ؟؟!!
و انت أنهي نوع مـ الأنواع دي .. و ايه الحلول المناسبة ليك ... ؟؟!!
لو حد عنده أي إضافات أكون شاكرة جداً ... D:
هينت : مـ حدش يتريق على أي نوع مـ الأنواع ...
أو حتى سبب الموضوع ... D:
... بس خلاص ...
- معلش حاسه بـ زهق و اكتئاب و عايزه أكتب أي حاجه تغّير المود -
- شكر خااص لـ دُقدق .. مُلهمتي لـ فكرة الموضوع اللي عاملي أزمة -
سلام عليكم ورحمة الله وبركاته
ردحذفجميل الموضوع اوي يا فسدق :)
وتحليلك عجبني جدا جدا :)
يلا يا ست محللة نفسية بعد التخرج ;)
انا اي نوع من الزعل؟؟!!
انا من النوعين :D
يعني على حسب الشخص اللي سألني، هستريح ليه ولا لا، انما معاك انت بقى ( بـ عترف من اول قلم :D )
اشوفك بكرة ان شااااء الله :)
سلام
السلام عليكم
ردحذفازيك يا فدوى؟
يارب تكونى كويسه
نايس توبيك :)
بصى انا عن نفسى يعنى لو حد مضايق وهتيجى فدوى تسأله مالك
دى لوحدها كفايه ... ماشى؟
بس فعلا معاكى حق الواحد لما يبقى عارف الشخص اللى قدامه طقوسه ايه وقت زعله هيريحك اكتر مش لازم تعرفى سبب زعله ولا ايه مشكلته بس ع الاقل تحسى انك تقدرى تساعديه
لانك لو حاولتى من غير ما تعرفى ماتضمنيش يعنى ممكن يضربك بحاجه :D
او ممكن تضايقيه اكتر بمحاولتك
بالنسبه لانواع الحل بقى
كلهم فعلا حلول وضيفى عليهم الايس كريم بينفع بردو :D
ويكفى انهم موجودين او انك تحاولى تحليله مشكلته او تحسى بيه حتى ويسكتوا مايتكلموش وده بيريح
عشان فى ناس
don't care with anything 2slan
عادى يعنى تزعل تموت تولع مش فارق معاهم ... بس كده
وربنا يفك كرب جميع المسلمين
سلام
السلام عليكم /
ردحذفحمد لله على سلامه القلم
ربما تكون هى مشاركتى الاولى و لكن الموضوع جذبنى جداً نظراً لأن الواحد اليومين اللى فاتوا مر بشئ غريب
نسبه من الناس اعتقدت انى زعلان او حزين لكن اُفضل الصمت كما العاده .. فانا من النوع الذى لا يبوح الا الى القله القليله فى بعض القضايا و ليست جميعها ايضاً
و تحول الامر الى ضجر حقيقى ... و الله يا جماعه انا فرحت لما عرفت و انا اصلاً استريحت كتير جداً ... انا عكس ما انتوا فاكرين
بس الجميع مش مصدق .. لكن و الله العظيم انا فرحان .. طيب اعمل ايييييييييييه ؟؟
انا عارف انك بتتكلمى على انواع الجزن و التعبير عنها و رد الفعل النفسى و عمق المشكله عند كل فرد
لكن انا الموضوع اتقلب عليا كلياً ... المقربين لأنهم عارفين انى مش هاتكلم
ظنوا انى هنا مش عايز اتكلم من الحزن
انما الحقيقه انى مش عايز اتكلم .. إقتدائاً بعمر بن الخطاب -رضى الله عنه- و تطبيقاً للدين ... و الواقع انى اصلاً مش زعلان
وصل الحال انى حسيت ان البعض بيفرض عليا الزعل علشان يواسينى .. شئ ممل
المهم خلينى اعلق بقى بشكل مباشر على موضوعك الجميل
نفسياً البشر طبقات
و بالفعل علينا ان نعرف مدى عمق كل شخصيه
فالبعض ... يأتى ليحكى و يطلب من يسمع
و البعض تخبرنا نظراته بأنه ينتظر من يسأل عن المشكله ليسمع
و البعض غامض ... ينتظر ان يشعر احد بما دفنه فى اعماقه .. و يظل يبحث و ينبش داخله ليعرف حقيقه مشاعره
و اظن ان الحال ليس قاصراً على الحزن
ربما كل العواطف على نفس الشاكله
فبعض الناس يكتم مشاعره اياً كانت و ينتظر فرداً بعينه ليكتشفها و البعض يبحث عمن يقدرها
و البعض يبوح مباشرهً .. و البعض ينتظر الفرصه
العواطف الانسانيه و العلاقات الاجتماعيه و الانفعالات العاطفيه ... ارى انها سر .. لم يقدر الى اليوم عالم او باحث ان يصل الى سره
و اعتقد انه سيبقى سراً... فهو بذلك افضل
لكِ التحيه
Lamees ...
ردحذفو عليكم السلام و رحمة الله و بركاته
هههههههههههههههههههههههههه
محللة نفساوية ... ؟؟!! :))
احمدك يااااارب .. ضمنت شغلانه ... :))
حلو التنوع يا ميسو ... D:
بـ ينفع برضو ... D:
و شرف ليّا انك تعترفي من أول قلم ... :">
- بغض النظر يعني انك مبيناني شريرة و بـ اضرب كماااان P: -
إن شاء الله هاااانت كلها كام ساعة و نشوف بعض ... :)
منورة يا ميسو ... (f)
dokdok ...
ردحذفو عليكم السلام و رحمة الله و بركاته
ازيك يا دقدقة ... :)
التوبيك نايس عشان انتِ اللي شجعتيني أعمله ... D:
تمااام كلامك مظبوووط ... :)
عشان كده الواحد بـ يخاف يقصّر فـ السؤال أو يزوّد فـ السؤال ... D:
الوصع صعب يعني ...
حلوة فكرة الآيس كريم دي .. جامده و بسيطة ... :))
ياستي الناس أنواع يعني عادي نو بروبليم ... D:
و بعدين ممكن يكونوا care بس مش بـ يحبوا يرخموا الله أعلم يعني ... D:
ربنا يفك كروب المسلمين جميعاً يارب .. اللهم آمين ... :)
منورة يا دقدقة ... (f)
MESEE ...
ردحذفو عليكم السلام و رحمة الله و بركاته
الله يسلمك يا فندم ... :)
تحليل الطبقات البشرية حلو أووي ...
فعلاً الموضوع مش مقتصر ع الحزن بس ... !!
- سبحان الله -
"العواطف الانسانيه و العلاقات الاجتماعيه و الانفعالات العاطفيه ... ارى انها سر .. لم يقدر الى اليوم عالم او باحث ان يصل الى سره
و اعتقد انه سيبقى سراً... فهو بذلك افضل"
الجملة دي حلوة أووي و واقعية جداً جداً...
رد مميز جداً ...
ربنا يعمل اللي فيه الخير للجميع إن شاء الله ... :)
منور يا فندم بـ أول مشاركة ... (f)
fadwetyyyyyyyyyyyyyy :*
ردحذفbgd mawdoo3 toooooo7faaaa aweeeee :)
w tare2et ketabtek leeeh tganen :)
ana bsara7aa men el noo3 el moreee7 elly mabysada2 7aad yes2alo 3ashan yefadfad :)
bs sa3at ba3'ales w astannaa
tet7ayloo 3laya shwayaaa :D
entyyy 3asoola w 7enayenaa awee ya fadwaaa ...bgd lama betla2yyy 7ad za3laaan betet3'ayaryyy 7'aless w yes3b 3aleky aweee w mesh btrta7yy 3'eer lamma tehadeeh w te3rafyy eeh elly mza3alooo :)
ya ba7'toooooo masha allaaah ;)
niiiiiiiiiiiiice bgd aweeee ya
fadwetyyyyyy
MISs uuuuuuuu aweeeeee wallaaahy :)<3:*
Mariam H ...
ردحذفههههههههههههههههههههههههههههه
من يومك مريحه يا بنتي ... =))
لو حبيتي تـ غلسي .. غلسي براحتك يعني .. بس مش أوي ... P:
الكلام الباقي مش هـ أعلق عليه ... P:
هههههههههههههههههههههههههههه
اساساً انتِ بـ تثبتيني عشان تنسّيني إنك مش جيتي و المفروض أتخانق معاكِ ... D:
ع العموم يا ست أنا مسمحاكِ عشان بـ أخاف عليكِ .. بس مـ تستغليش حنيتي ... ((:
ربنا يخليكِ يا حبيبتي .. و مـ يحرمنيش منك ... :">
هو مين ده اللي يا بختو .. هاه هاه ؟؟ >:p
أكيد انتِ طبعاً عشان ليكِ صاحبة زيي كده ... P: ((:
إمشي بقى يا تحفتي ... :">
منوراني يا مريوووووووم ... (f)
و مس يوووو تووووو موووووور ذااااان يوووووو ... :* :">
- يلا عيب بقى P: -
سلام عليكم ورحمة الله وبركاته
ردحذفاولا المزوضوع ده حلو جدا على فكره وتسلم ايدك عليه
ثانيا لو تسمحيلى هضيف اضافه صغيره بس
فى نوع تالت من الناس اللى بتزعل
وده ممكن نسميه "الكتوم"
النوع ده موجود بس قليل
فى ناس بتبقى متدايقه وزعلانه بس بتخبى كل ده جواها ومش بتبين اى حاجه
وميقدرش يميز النوع ده غير اللى من نفس النوع بردك علشان بيبقى حاسس بيه
النوع ده بيبقى كتوم لدرجه كبيره جدا وحريص انه مايبينش انه زعلان لاى حد لانه بيقدر يفصل بين ظروفه النفسيه وظروفه العمليه مع الناس اللى حواليه
وده كويس فى حد ذاته
بس اللى مش كويس انه ممكن يكون كده علشان مش لاقى حد يقدر يتكلم معاه او يخرجله اللى جواه لان الناس فاكراه مجنون وغريب علشان كده بيبعدوا عنه وده بيبقى حاجه من اتنين
اما ملوش اصحاب او حد مقرب ليه يقدر يحس باللى جواه من غير ما يتكلم او انه بطبيعته شخص انطوائى مش بيحب يتكلم مع حد وانا من النوع ده بس شامل الحاجتين اللى فى الاخر
ثالثا انا مع MESEE فى الجزئ بتاع طبقات البشر النفسيه
وشكرا على التوبيك الجميل
سلام عليكم
SE7EN ...
ردحذفو عليكم السلام و رحمة الله و بركاته
أولاً: شكراً يا فندم ده من زوقك ... :)
ثانياً: صح أنا معاااك النوع ده نسيته مع إني ساعات بـ أبقى كده ... D:
- إضافتك حلووة :) -
بس النوع ده ممكن يتغير تدريجياً و يتحوّل لـ مُتعِب .. و بعدين ممكن يتغير تاني ... !!
- ع الأقل لو مع شخصية معيّنة -
الحكاية فعلاً داخل فيها الوحدة بـ شكل كبير جداً ...
و أعتقد الإنطوائية غالباً سببها برضو الوحدة ... !!
يبقى المشكلة و السبب واحد ...
بس في أمل إنها تتغير فـ يوم مـ الأيام إن شاء الله ... :)
و لو إني معاك برضو فـ إن الحكاية دي ساعات كويسة .. و ساعات كويسة جداً كمان ... !!
بس أعتقد أضرارها النفسية ممكن تكتر بـ مرور الوقت ... :-<
ثالثاً: أنا كمااااان معاااكم ... D:
منور يا فندم ... (f)
fosdo2tyyyyyy
ردحذفeh ya bet el gamdan dh ,mawdo3 gamed gamed gamed a5er 3 4 5 7agat
tab3an ana msh me7taga a2olk ana mn ay no3
ana ba2a no3 talet elly mn 3'er ma tesa2ly bey2ol
we enty aked garbty
bs nice ya bet tel2ty mawhoba aho we e7na makonash ne3raf
a7san 7aga fe el donia homa el so7ab
ne3ma mn 3and rabena
we el7amdolelah enk wa7da menhom
NICE TOPIC ya 2amr 7asebat
m3lsh tawelt 3aliky]
bye
mero FCI ...
ردحذفهههههههههههههههههههههههههههه
3 4 5 حاجات بس ... ؟؟!! =))
مع إني مش معاكِ مليون فـ المية يعني فـ انك بتتكلمي من غير مـ اسأل بس مااااشي ... D:
اوعي الموااااهب بقى لو سمحتي ... =))
الحمدلله يا ميرو ...
يارب يرزقنا الاصدقاء الصحالحين ...
و يارب أكون عند حسن الظنون دايماً ... :)
منورة يا ميرو ... (f)
الموضوع ده جميل جدا و يا ريت كل الناس تفهمهه
ردحذفانا لما بكون زعلان مبحبش حد يعرف و بحب أكون لوحدى الناس لامتنى فى كده بس لاقيت إن ده موجود وفى حد فاهم
مصطفى...
حذفأكيـد الناس مختلفة عن بعض .. و أعتقد إن الواحد عمره مـ هـ يكون مختلف تماماً عن باقي الناس .. أكيد فـ يوم هـ يلاقي حد مُقارب ليه فـ الفكر و يقدر يفهمه :)
أياً كان النوع و أياً كان رأي الناس .. المهم الواحد يكون بـ يعرف يتغلب ع الحالة اللي هو فيها بغض النظر عن أي حاجه و لو حس فـ يوم إنها مسبباله مشكلة و إنه لو غيرها يمكن يرتاح أكتر .. فلازم إنه يحاول يغيرها عشان نفسه قبل أي حد :)
ربنا يبعد عنّا الهم و الحزن ...
منور يا فندم ... (f)