نحن نتبادل الكلمات و الحروف و العبارات كوسائل للتعبير عن المعاني و كأدوات لكشف كوامن النفوس .. و نتصور أن الحروف يمكن أن تقوم بذاتها كبدائل للمشاعر، ويمكن أن تدل بصدق على ذواتنا و مكنوناتنا.
و الحقيقة أن الحروف ......
تحجب و لا تكشف ..
و تضلل و لا تدلل ..
و تشوه و لا توضح ..
و هي أدوات التباس أكثر منها أدوات تحديد .. !!
- لـِ: د.مصطفى محمود .. من: الـــــروح والجســـد -
***
إيه رأيكم فـ الكلام ده ؟؟
***
إيه رأيكم فـ الكلام ده ؟؟
ســلامـ عليكمـ ورحمة اللّــه وبركـاته
ردحذف1- الكتاب ده كل مـ ابتدى اقرى فيه تحصل حاجه و اسيبه .. ونِفسى ابتدى فيه.
2- حاسس ان فى اوقات الكلمات والحروف والعبارات فعلا بتبقى ادوات لكشف كوامن النفوس وبتبقى بطريقه مباشره فى اغلب الاوقات
واوقات تانيه بتكون العكس تماماً
بتوصل فكره غير المقصوده
Se7en ...
ردحذفو عليكم السلام و رحمة الله و بركاته
1. الكتاب ده - أنا - لسه مـ بدأتش فيه خالص :(
إن شاء الله تبدأ فيه و تخلصه كمان :)
2. معاك فـ الكلام ده مظبوط ..
أعتقد تفرق على حسب اللي بـ يكتب و اللي بيقرا
بس غالباً الكلام المكتوب بـ النسبة للكاتب .. بيكون صح و الله أعلم
منور يا فندم ... (f)
بقالى مدة كبيرة مش جيت هنا :( :(
ردحذفأنا مش مسمحانى على فكرة :(
أنا فاكرة انى قرأت الكتاب ده
بس مش فاكرة تفاصيله و خصوصا ان أغلب كتب دكتور مصطفى محمود ملهاش موضوع واحد بس .. بياخد دماغ الواحد لأكتر من مكان .. عبقرى بجد.. ربنا يرحمه ..
و الغريب انى لما أقرا حاجة ليه لتانى مرة بأنبهر أكتر من المرة الأولى :D
بـ أرغى كل الرغى ده علشان أقول انى وصلنى انه هنا بيتكلم على فصل المشاعر عن الكلمات .. فبالتالى الكلمات مش هيكون ليها أى تأثير فى غياب المشاعر اللى المفروض تكون مصاحبة ليها .. حتى ولو كانت الكلمات دى حقيقية :(
هذا و فقط :D :D
Hanno ...
ردحذفهههههههههههههههههههه
حمدالله ع السلامة طيب الأول :)
و بعدين ده الطبيعي يعني منك :))
زعلانه ليه دلوقت بقى :P
كويس إنك قريتي الكتاب .. غيرك مـ فتحوش أساساً :))
فعلاً د. مصطفى محمود رهيب فـ اسلوبه ربنا يرحمه ...
سيبك انتِ الكلام الأخير ده جامد و موافقاكِ فيه بـ استثناء "حتى ولو كانت الكلمات دى حقيقية"
منورة يا نونتي ... (f)
و طبعاً انتِ عارفه إنك مش وشحاني :))