ساعات بنحب نتكلم عن نفسنا .. و نقول اللي جوّانا ...
بس يمكن مـ أتعودناش نتكلم ... !!
و ساعات بـ نتمنى أي حد يسألنا عن نفسنا .. و يعرف أحوالنا ...
و نلاقي الكلام صعب أوي إنه يطلع ... !!
و ساعات بنشتاق لنفسنا أوي .. و نشتاق نقرّبلها أوي ...
بس يمكن نفسنا بـ تهرّب .. و تخاف إنها تقرّب لـ نفسها ... !!
ساعات كتير غريبه و محتاجه مليون تفسير ... !!
أنا دايماً بـ احس إن الإنسان متناقض أوي ...
و ساعات أحس إن يمكن أكون أنا بس ... !!
مش عارفه الكلام ده ايه لازمته ...
بس هو طلع كده .. أقولّه لأ يعني ... ؟؟!!
ناعومى حبيبتي ...
شكر خاص جداً جداً جداً ع الواجب اللي دبستيني فيه ...
و فيه حاجه عايزه أقولهالك قبل مـ أبدأ أجاوب ...
ساعات كتير بـ احس إني مقصرّه معاكي أوي ...
و ساعات كتير بـ احس إني مفتقداكي أوي ...
و ساعات كتير بـ ابقى عارفه إني مهييسه أوي ... !!
( زي دلوقتي كده بالظبط )
مش عارفه ساعات معلقه معايا أوي كده ليه ... ؟؟!!
مع إني والله مـ كنتش بسمع اغنية ساعات ... !! D:
المهم أفرجكوا على سؤال الواجب اللي هـ ارغي فيه كتير أوي ... !!
س : أذكر 6 أسرار قد لا يكتشفها من يقابلك أول مرة.
و دي قوانين الواجب اللي هـ ارغي فيه كتير أوي برضو ... !!
بس يمكن مـ أتعودناش نتكلم ... !!
و ساعات بـ نتمنى أي حد يسألنا عن نفسنا .. و يعرف أحوالنا ...
و نلاقي الكلام صعب أوي إنه يطلع ... !!
و ساعات بنشتاق لنفسنا أوي .. و نشتاق نقرّبلها أوي ...
بس يمكن نفسنا بـ تهرّب .. و تخاف إنها تقرّب لـ نفسها ... !!
ساعات كتير غريبه و محتاجه مليون تفسير ... !!
أنا دايماً بـ احس إن الإنسان متناقض أوي ...
و ساعات أحس إن يمكن أكون أنا بس ... !!
مش عارفه الكلام ده ايه لازمته ...
بس هو طلع كده .. أقولّه لأ يعني ... ؟؟!!
ناعومى حبيبتي ...
شكر خاص جداً جداً جداً ع الواجب اللي دبستيني فيه ...
و فيه حاجه عايزه أقولهالك قبل مـ أبدأ أجاوب ...
ساعات كتير بـ احس إني مقصرّه معاكي أوي ...
و ساعات كتير بـ احس إني مفتقداكي أوي ...
و ساعات كتير بـ ابقى عارفه إني مهييسه أوي ... !!
( زي دلوقتي كده بالظبط )
مش عارفه ساعات معلقه معايا أوي كده ليه ... ؟؟!!
مع إني والله مـ كنتش بسمع اغنية ساعات ... !! D:
المهم أفرجكوا على سؤال الواجب اللي هـ ارغي فيه كتير أوي ... !!
س : أذكر 6 أسرار قد لا يكتشفها من يقابلك أول مرة.
و دي قوانين الواجب اللي هـ ارغي فيه كتير أوي برضو ... !!
1. أذكر اسم من طلب منك حل هذا الواجب.
2. أذكر القوانين المتعلقة بهذا الواجب.
3. تحدث عن ستة أسرار قد لا يكتشفها من يقابلك للمرة الأولى.
4. حول هذا الواجب إلى ستة مدونين،وأذكر أسماءهم مع روابط مدوناتهم في موضوعك.
5. اترك تعليق في مدونة من حولت الواجب عليهم، ليعلموا عن هذا الواجب.المفروض بقى إني أجاوب يعني ... ؟؟!!
مع إني عارفه إني مش هـ اعرف أجاوب كويس ... !!
بس أهو ... هـ احاول ...
مبدئياً كده أنا حاسه إن 6 أسرار دول كتير شويه ... !!
بس متهيألي بيجي أوقات بـ احس إنهم قليلين خالص ... !!
( عادي يعني .. مفيش إعتراض طبعاً )
المهم .. نبدأ على بركة الله ...
1. عصبـيـــه :
دي حاجه للأسف ملاحظه إنها بتزيد كل يوم عن اللي قبله ... !!
يمكن اللي يشوفوني يحسّوا إني بارده .. و أحياناً كمان بارده جداً ...
بس للأسف جوّايا بيبقى العكس تماماً ... !!
و أحياناً بكون بـ اغلى .. مش أكتر يعني ... !!
( يعني عصبيه من جوّايا دايماً .. و من برّه أحياناً )
و دي حاجه بجد بكرهها فعلاً .. و بتعصبني أكتر ... !!
لإني بـ أحرق دمي فـ الآخر .. ولا حد حاسس أصلاً ... !!
2. بـــحـــب :
هههههههههههههههههههه
مـ حدش مخه يوديه لـ بعيد ... !!
آه بحب بجد .. و للأسف غالباً بحب أغلب الناس ... !!
ممكن أحب ناس لمجرد إني اتكلمت معاها ثواني ... !!
ممكن أحب ناس مـ اعرفتش عنهم غير اساميهم ... !!
ممكن أحب ناس عشان ابتسامتهم جات مرّه فـ وشي ... !!
( للأسف بحب أغلب الناس بسهوله جداً .. و صعب إني أكرّه حد )
و دي حاجه برضو مش بحبها ...
لإني فـ الآخر بـ اتصدم كتير .. و بـ آخد على دماغي كتير أوي ... !!
3. مـش إجــتماعيه :
مـ أعرفش إزاي ... !!
الشائع غالباً .. إني إجتماعيه .. و الكلام ده صح إلى حد كبير ...
أحياناً بحب أشارك فـ حوار شدّني .. أو ليّا رأي فيه ...
و أحياناً كتير بـ ابقى نفسي اتكلم .. بس فيه حاجه بـ توقفني ... !!
و الكلام كله فجأه يضيع .. و يقف ... !!
معرفش إزاي برضو ... !!
( هههههههه .. حالتي صعبه أوي أنا عارفه )
يعني ممكن أقول إني بـ احاول أبقى إجتماعيه ...
بس أحياناً الظروف مش بتساعدني و الناس مش بتساعدني ...
و قبل ده كله .. نفسي مش بتساعدني ... !!
4. شـــقيــــه :
ههههههههههههههههههه
دي بجد يمكن مـ كنتش حاساها أوي ...
و لفت نظري ليها - من اسبوع يمكن - واحد صاحب بابا ... !!
قاعدين كلنا العيلتين مع بعض .. و بـ نتكلم عادي ...
و فجأه لاقيته بيقول .. انتِ شقيه على فكره ... !! D:
مع إني كنت عادي يعني فـ حالي ... !! D:
فـ الحقيقه أغلب الناس عارفه إني هاديه ... !!
بس متهيألي كلنا مهما كان عمرنا .. بـ نكون أشقيه و جوّانا لسه أطفال ... !!
عشان كده بجد نفسي ...
كل الناس تطلع براءة الأطفال اللي جواها .. بس من غير عقولها ... !!
( رغم إني كتير بـ احس إن البراءه دي جمله مـ لهاش أي معنى اليومين دول )
5. بـ أنسى بسرعه :
يمكن لما بزعل من حد .. بزعل فعلاً جامد ...
بالذات لما يكون حد عزيز عليّا أوي ...
و دي بـ تبقى مشكله فعلاً ...
اللي قدامي حاسس إني مدايقه .. و خلاص قفلت على كده ...
و مش هـ اعدي أي حاجه بسهوله ...
و بيخاف يقرّب يتكلم معايا .. لإني صديته مرّه مثلاً ... !!
بس للأسف الكلام ده مش صح 100 % ...
أنا أكتر واحده سهل يضحك عليها يعني بلا فخر ... !! D:
ممكن كلمتين حلوين و معاتبه أو توضيح ...
و كله بجد بيروح فـ ثواني .. و بـ اصفى على طول ... :(
أحياناً بـ ابقى عايزه أعمل العكس .. و اتقمص شويه و أغلس ...
بس غالباً للأسف دي حاجه بتحصل بـ تلقائيه أوي ... !!
لكنها فـ الآخر .. بـ تقف ع الكلمتين ... !!
يعني ممكن الكلمتين لو مـ اتقالوش .. فعلاً بـ أبقى وحشه ... !!
6. بــحــب مصـــر :
مش عارفه .. كل لما أفكّر فـ الموضوع ده و أقول الكلام ده ...
بـ احس أحياناً إني بضحك على نفسي ... !!
بس بجد غالباً بـ ارجع أقول أنا بحب مصـر .. و بـ اقولها من قلبي ...
يمكن الظاهر إني مش عاجبني حاجه .. و كارهه مصـر ... !!
أنا فعلاً كارهه .. بس كارهه تصرفات ناس فـ مصـر ... !!
كارهه اللي مصـر وصلت ليه .. كارهه كل اللي بيحصل ... !!
إنما مصــر ..... بحبها أوي ...
يمكن أكتر مره حسيت بيها إني بحب مصـر .. و كانت تقريباً أول مره ...
لما سافرت بعيد عن مصـر من أكتر من سنة ...
حسيّت بـ قيمتها بجد ... !!
لما شفت إزاي مصـر حلوه أوي .. و ناسها حلوين مهما عملوا ...
لما كنت قاعده فـ عاصمه .. بدون ذكر أسم العاصمه يعني ...
و النور يقطع يومياً - تقريباً - بليل ... و فـ عز الإمتحانات ... !!
لما تحس انك غريب فـ بلد مش بتاعتك .. ناس شكلهم غريب أوي ...
لما أول مـ تسمع لهجه مصريّه عينك تجري بسرعه و تدوّر ع الصوت ...
حتى و لو هـ تكتفى إنك تسمعه من غير مـ تتعامل مع مصدر الصوت ... !!
لما أول مـ توصل مصـر بعد غربه مـ كملتّش شهر ...
و تشوف مــصـــــر ...
و تقول - بتلقائيه - من قلبك ...
يااااااااااه مصـــــــــر أم الدنيا فعلاً ... !!
( ربنا يصلح حال مصر .. و يرجعها و يرجع ناسها زي زمان )
جاهين كان قايل حاجه حلوه أوي ...
يمكن حطيتها متأخر شويه فـ المدونه .. بس إحساسها فعلاً عالي أوي ...
كان بيقول ايه عم جاهين بقى ... ؟؟!!
حبيبه قلبى فيدقه
ردحذفمعلش حظك معايا وحش شويه
كلامك تل قائى خارج من قلبك الابيض فااكيد حيوصل لكل اللى يقراه
انتى عارف ه انا بحبك اد ايه وبجد بعتبرك بنوتى حبيبتى حتى لو غيبنا عن بعض شويه
اسرارك حاسه انى عرفاها يمكن لانى عرفاكى اوى ..ودى حاجه تسعدنى ...
اشوفك بخير دايما ياقمر...
ناعومى ...
ردحذفوقفت عند ردك كتير ...
تخيلي مش لاقيه كلام أرد بيه ... ؟؟!!
يبقى شوفي ردي عليكي فـ الأسرار عندك ...
والله كتبته قبل مـ تنزلي ردك ... !!
سبحان الله فعلاً ...
مش عارفه أقولك ايه ... !!
بس كل اللي قادره أقوله ...
ربنا يحفظك و يسعدك ...
نورتي يا نعنع ... (f)
فسدقة
ردحذفكل اللي اعرفه عنك انك فعلا هادية
بالفعل مفاجأة لي اني اعرف انك عصبية
بس يبدو ان مفيش حد مش عصبي
الجزء اللي وصفت بيه مصر
هزني
بشدة
توصيفك للمغترب
رقرق دمع العين
استمتعت بالفعل
تحياتي
د.أحمد ...
ردحذفهههههههههههههههه
أنا هاديه دايماً ...
و أحياناً هاديه جداً كمان ... !!
بس من جوّه مـ اقولكش يعني ربنا لا يوريك .. !!
و بعدين على رأيك ...
مين مش عصبي اليومين دول .. ؟!!
جزء وصف مصر ...
مش عارفه أرد أقول فيه ايه ... !!
يمكن عندي كلام كتير قوي أقوله ...
بس حسيت كده إني هرغي كتير و هـ أزهقكم معايا ... !!
ربنا يسعدك يا دكتور فـ أي مكان ...
حتى و لو برّه مصر ...
سعيده بوجود حضرتك و تعليقك والله ... (f)
فسدقة مش عارفة أقول ايه حاسة وأنا باقرأ أنك بتكتبي اللي نفسي أقوله
ردحذف"و ساعات بنشتاق لنفسنا قوي .. و نشتاق نقرّبلها قوي ...
بس يمكن نفسنا بـ تهرّب .. و تخاف إنها تقرّب لـ نفسها ... !!"
"أنا دايماً بـ احس إن الإنسان متناقض قوي ...
و ساعات أحس إن يمكن أكون أنا بس ... !!"
احساس عالي قوي كلامك أثر فيا مش هاتتخيلي قد ايه ....وشكرا يا قمر أنتي وناعومي
"و ساعات بـ نتمنى أي حد يسألنا عن نفسنا .. و يعرف أحوالنا ..."
فسدقة بجد أنتي جميلة قوي بس ده مش سر
نورانة الجميلة ...
ردحذفتصدقي فرحانه قوي ..
يمكن لإني حسيت إن كلامي ممكن يتفهم .. !!
ساعات كتير بـ احس إن مهما حاولنا نقول اللي جوّانا ..
الكلام مش بيساعد .. !!
و لو صدفت و ساعد إلى حد ما ..
بيبقى صعب قوي انه يتفهم .. !!
سعيده بوجودك جداً يا قمر ..و سعيده جداً بتعلقيك ..
و بعدين سيادتك إذا كنت أنا جميلة ..
حضرتك تبقى ايه ... ؟؟!!
منوره يا نورانة ... (f)
يارب مـ نتحرمش من وجودك اللي بحبه ده ..
واجبك مستنيكي بقى ... D:
اجاباتك حلوة جدا
ردحذفصريحه وهاديه
وبجد تخشى القلب على طول
انا مبسوط اننا عرفناكى اكتر
د.عمرو ...
ردحذفشكراً على كلامك الكبير قوي ده ..
مش عارفه أرد أقول ايه والله ..
سعيده جداً بتواجد حضرتك و متابعتك بجد ..
ياريت مـ تحرمناش من وجودك هنا ..
منور يا دكتور ... (f)
انت مهيسة فعلا
ردحذفوشقية اوي
احلى سر في اسرارك ( بحب مصر ) قطعتيني من جوايا يافسدقة هانم على رأي ايهاب رضوان
من أجل عينيك ...
ردحذفههههههههههههههههههههه
طب ده تهييس مفهوم إلى حد ما ..
ربنا ما يوريكي التاني بقى .. !!
و لو إن التاني صراحه بخاف أطلعه .. !!
و بعدين ده أنا هاديه خالص أهو .. !! D:
و أحلى سر ده بقى .. خليه فـ سرّك .. !!
منوره لأول مره يا فاطمة هانم ...
- مش على رأي ا.إيهاب رضوان D: -
أنا عارفاكي على فكره إلى حد ما ..
من هناك صح .. أنا عارفه ... D:
ههههههههههههههههه
ردحذفمن هناك اه
هههههههههه من ارض العفاريت
جميلة انت والله ومهيسة فعلا
ههههههههههههههه
ردحذفمش من أرض العفاريت و لا حاجه ...
عارفه كده هناك ...
المكان بتاع البتاع اللي جنبه واحد بتاع بتاع ... !!
اللي عند البتاع ده ... !!
إلا انتِ صحيح مش موجوده فـ بتاع تاني ليه ... ؟؟!! D:
دايما كنت بقول ان اصعب حاجة على الانسان انه يتكلم عن نفسه.. والواجبات اصعب .. لكن لما قريت الواجب ده عند ناس كتير حسيت اننا كلنا اتحطينا قدام مراية بس مش كل اللى شفناه فيها عجبنا ..بس ده على الاقل ادانا فرصة نقرب من نفسنا ومن الناس اللى حولينا ..ونعرف المستخبى .. سعدت بالمرور على مدونتك.. اقبلينى ضيف عليها.
ردحذفDr.A.S. black armor ...
ردحذفسعيده جداً بمرور حضرتك ع المدونة ..
و كمان التعليق عليها ..
كلام حضرتك مظبوط جداً..
دي أكيد فرصه إن الواحد يقرّب من نفسه فعلاً ..
دايماً الواحد بيحتاج يقرّب من نفسه ..
بس للأسف غالباً بيخاف أو بيتهرب ..
أو مـ بيعرفش يقرّبلها ... !!
و كل الحالات اللي فاتت أوحش من بعضها ..
يمكن الواجب ساعد شويه ..
بغض النظر عن الأسرار اللي اتنشرت ..
ممكن يكون فيه أسرار كتير افتكرناها أو عرفناها ..
يعني أهو الواحد بيستفيد فـ الآخر ..
سعيده جداً بوجود حضرتك يا دكتور ...
يارب مـ تكونش أول و آخر مرّه ... (f)
طيب امسكي بقي الواجب التاني....
ردحذفجئت امرر إليكي تاجا ماسيا عبقا...هنا...
http://reem82.blogspot.com/
ريــــــــم ...
ردحذفهو أنا لحقت ... ؟؟!! :(
و بعدين مين الواجب الصعب ده ... ؟؟!!
شويه و هـ احله إن شاء الله ...
دعواتك انت ِبس كده ...
شكراً يا باشموهندسه ع الواجب اللي فرحتيني بيه بجد ...
تعيشي و تجيبي واجبات ... (f)